Ensemen per il Grischun
L'unic chantun triling da la Svizra è in chantun multifar tant en quai che reguarda l'economia sco er la cultura e la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada. Contribui Vossas abilitads singularas e concepi ensemen cun nus l'avegnir da l'administraziun chantunala dal Grischun.
Per il 1. da schaner 2026 vegn stgaffì in nov Post chantunal da surveglianza per la protecziun da datas. Il post è professiunalmain independent ed attribuì administrativamain a la Chanzlia chantunala, ch'è il post general da stab, da coordinaziun e da colliaziun dal Cussegl grond, da la Regenza e da l'administraziun dal chantun Grischun. Il Post da surveglianza per la protecziun da datas ch'è dotà cun trais persunas, surveglia l'applicaziun da las prescripziuns davart la protecziun da datas tenor la nova Lescha chantunala davart la protecziun da datas.
Per il 1. da schaner 2026 u tenor cunvegna tschertgain nus ina persunalitad engaschada e cumpetenta sco manadra u manader dal Post da surveglianza per la protecziun da datas.
Voss champ d'incumbensas
- Organisar, administrar e manar il persunal dal Post da surveglianza per la protecziun da datas
- Cussegliar e sensibilisar las differentas gruppas en mira, sco p.ex. autoritads chantunalas, regiunalas e communalas
- Survegliar l'applicaziun da las prescripziuns davart la protecziun da datas
- Prender posiziun davart decrets sco er davart projects d'informatica ch'èn relevants per la protecziun da datas
- Tractar annunzias davart violaziuns da la protecziun da datas
- Formular recumandaziuns e decisiuns contestablas per ils organs publics
- Cooperar a proceduras legislativas ed elavurar il preventiv dal post da surveglianza
Quai che nus giavischain da Vus
- In studi da master terminà en giurisprudenza, da preferenza cun in CAS en il sectur dal dretg davart la protecziun da datas
- Experientscha professiunala en il sectur da la protecziun da datas, en il cas ideal en ina funcziun directiva
- Ina persunalitad equilibrada ed intermedianta
- Gronda cumpetenza sociala, flexibilitad ed abilitad da supportar squitsch
- Moda da lavurar structurada ed abilitad exprimida da communitgar confurm al stgalim
- Enconuschientschas dal talian e/u dal rumantsch èn d'avantatg
Nus ans legrain da Vossa annunzia online e da far Vossa enconuschientscha.