Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per l'execuziun giudiziala (UEG) è in post da servetsch dal Departament da giustia, segirezza e sanadad dal chantun Grischun. Il UEG è responsabel per l'execuziun da chastis e da mesiras sco er dals differents geners d'arrest. En il Grischun vegn l'execuziun da chastis e da mesiras pia reglada sco champ tematic unitar e sco incumbensa cumplessiva, nua che differentas gruppas professiunalas lavuran en moda interdisciplinara cun persunas che han commess malfatgs, per impedir ulteriurs acts criminals.
Il stabiliment giudizial Cazas Tignez ha circa 110 collavuraturas e collavuraturs e dispona da 150 plazzas da detenziun per l'execuziun serrada. Var 100 da questas plazzas èn per l'execuziun normala, 10 per la partiziun d'entrada, 28 per l'execuziun speziala e 12 per l'arrest d'inquisiziun.
Per il 1. da fanadur 2025 u tenor cunvegna tschertgain nus ina lavurera sociala u in lavurer social.
Voss champ d'incumbensas
- En questa funcziun tar il Servetsch social dal Stabiliment giudizial Cazas Tignez essas Vus – entaifer las reglas legalas – responsabla u responsabel per la cussegliaziun sociala cumplessiva da las persunas collocadas
- Sco persuna responsabla per il cas gidais Vus las persunas collocadas a sa resocialisar ed ad emprender a prevegnir delicts
- En la planisaziun da l'execuziun individuala lavurais Vus tenor il model da l'execuziun da sancziuns orientada a la ristga
- Vus assistis persunas da differents pajais e cun differentas problematicas
- Ultra da la lavur da cussegliaziun directa èsi impurtant d'esser entretschà cun ils secturs specifics entaifer il stabiliment giudizial sco er d'avair contact cun las autoritads e cun ils posts spezialisads externs
Quai che nus giavischain da Vus
- Scolaziun terminada sco lavurera sociala u lavurer social SAS/BSc sco er experientscha professiunala da plirs onns
- En il cas ideal avais Vus gia experientscha en la lavur sociala forensica
- Vus avais plaschair da lavurar cun persunas da differenta derivanza e cun differentas biografias
- Moda da lavurar structurada ed exacta sco er la prontezza da collavurar en moda constructiva en ina praschun
- Gronda cumpetenza sociala, abilitad da supportar squitsch, forza da persvader, abilitad da sa distanziar
- Plaschair da lavurar en in team sco er da collavurar sin plaun interdisciplinar
- Buna expressiun a bucca ed en scrit sco er bunas enconuschientschas a bucca dal franzos, da l'englais u dal talian
- Ina conduita irreproschabla
Nus ans legrain da Vossa annunzia online e da far Vossa enconuschientscha.