Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Center da cumpetenza Func (C Fc) maina l'infrastructura radiofonica Polycom per incumbensa dal chantun Grischun. Repartids sur l'entir chantun Grischun vegnan administrads lieus sco er cumponentas da sistem per metter a disposiziun la communicaziun radiofonica, quai er per ils partenaris che adempleschan incumbensas da segirezza e da salvament en il chantun. Ultra da las incumbensas tecnicas s'occupa il C Fc da tut ils contracts e da tut las documentaziuns e realisescha projects en il sectur dal mantegniment sco er da la tgira da las cumponentas da sistem.
Voss champ d'incumbensas
- Surpigliar la responsabladad per ils sistems da func e da raits sco er per il sistem d'assistenza radiofonica
- Garantir il mantegniment tenor las prescripziuns da manaschi en il sectur da las applicaziuns centralas
- Garantir la protecziun da basa da la ICT en il sectur dals criteris d'entrada e da surveglianza, ils backups, il management da release e da life cycle e.u.v.
- Planisar e realisar midadas da las applicaziuns centralas
- Analisar ed evaluar disturbis en il sectur dal champ radiofonic
- Manar e survegliar las applicaziuns centralas
- Administrar la documentaziun dals indrizs e dal manaschi
- Collavurar en projects ed en gruppas d'experts
- Collavurar als process da service management
- Assistenza spezialisada sco er manaschiala da la gestiun operaziunala
- (Centrala d'acziuns, Centrala dal clom d'agid sanitar) inclusiv scolaziuns
- Planisar, installar e manar infrastructuras radiofonicas en situaziuns extraordinarias u en occurrenzas spezialas
- Servetsch da pichet en il sectur dal Center da cumpetenza Func
Quai che nus giavischain da Vus
- Emprendissadi terminà (AFQ) en il sectur da l'electrotecnica, da la telematica u da l'informatica ed en il cas ideal absolvì ina furmaziun supplementara correspundenta en ils secturs menziunads sin il stgalim d'ina scola spezialisada superiura (SSS) u d'ina scola auta spezialisada
- Enconuschientschas pli detagliadas da raits (IP) sco er enconuschientschas da la gestiun da sistems digitals da func u da telefonia mobila
- Experientscha en il sectur da l'analisa e da l'eliminaziun da disturbis
- Fidadadad e gronda prontezza da s'engaschar
- Prontezza da s'acquistar permanentamain nova savida, d'analisar incumbensas e problems, d'elavurar propostas da soluziun e da realisar quellas independentamain
- Elavuraziun da projects pli pitschens e mesauns
Nus ans legrain da Vossa annunzia online e da far Vossa enconuschientscha.