Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Convict è in dals quatter lieus dal manaschi d'abitar e d'alimentaziun. Dapi passa 200 onns è il Convict la chasa da dimora uffiziala da la Scola chantunala grischuna. A scolaras e scolars da la Scola chantunala sco er a studentas e students porscha el alloschi ed alimentaziun durant l'entir onn.
Per la chasa d'abitar Convict tschertgain nus per il 1. da matg, il 1. da zercladur u tenor cunvegna in'emploiada u in emploià da chasa.
Voss champ d'incumbensas
- Sco emploiada u emploià da chasa sustegnais Vus il team dal manaschi d'abitar e d'alimentaziun en quatter lieus a Cuira. Voss lieu d'acziun è principalmain la chasa d'abitar Convict.
- Entaifer il manaschi d'abitar gidais Vus il team dal servetsch da chasa a nettegiar, a far il mantegniment simpel da l'edifizi, ad organisar il manaschi ed a liquidar ulteriuras lavurs.
- Sco part dal team d'assistenza As participais Vus als servetschs da saira. Plinavant essas Vus la persuna da contact per las abitantas ed ils abitants e per lur giavischs.
Quai che nus giavischain da Vus
- Vus avais experientscha en il sectur da nettegiament sco er en il mantegniment simpel d'edifizis. Vus essas ina persuna flexibla ed avais plaschair dal contact cun nossas abitantas giuvnas e noss abitants giuvens.
- Bunas enconuschientschas a bucca ed en scrit dal tudestg èn necessarias, ulteriuras linguas chantunalas èn d'avantatg per la lavur da mintga di. Tar Vossas fermezzas tutgan er cumpetenza sociala, abilitad da lavurar en in team ed engaschament.
Nus As purschain
- Vus pudais far quint cun ina lavur interessanta e variada che pretenda responsabladad.
- Vossas vacanzas sa drizzan tenor las vacanzas da scola da la Scola chantunala grischuna.
- Vus daventais part d'in team engaschà ed avert che collavura gia dapi blers onns.
Nus ans legrain da Vossa annunzia online e da far Vossa enconuschientscha.