Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Administraziun chantunala da taglia è cumpetenta per incassar las taglias directas en il chantun Grischun, uschenavant che la legislaziun na prevesa betg ina cumpetenza da la Confederaziun u da las vischnancas. Il Cumissariat fixescha las taglias sin las entradas e sin la facultad da persunas natiralas (taglia federala directa e taglia chantunala).
Per immediat u tenor cunvegna tschertgain nus ina cumissaria u in cumissari da taglia motivà per persunas cun activitad da gudogn dependenta a Tavau u Samedan (alternativamain er pussaivel a Cuira). Nus As purschain ina introducziun cumplessiva en in champ d'activitad captivant e pretensius. Ultra da quai As distinguain nus tras uras da lavur flexiblas, ina plazza da lavur moderna, la pussaivladad da lavurar per part davent da chasa, in clima da lavur colleghial e pussaivladads interessantas d'absolver furmaziuns supplementaras.
Voss champ d'incumbensas
- Controllar ed eruir, a maun da la decleraziun da taglia, ils facturs fiscals da las taglias sin las entradas e sin la facultad da persunas cun activitad da gudogn dependenta (persunas natiralas)
- Manar en moda professiunala las collavuraturas ed ils collavuraturs dals uffizis communals da taglia e da las allianzas en las vischnancas attribuidas
- Rediger decisiuns davart protestas
- Represchentar l'Administraziun da taglia en proceduras da meds legals davant dretgira
Quai che nus giavischain da Vus
- Scolaziun commerziala superiura (stgalim certificat professiunal)
- Experientscha professiunala da plirs onns en il dretg fiscal
- Vus avais in bun dun receptiv ed ina buna expressiun a bucca ed en scrit per tudestg Enconuschientschas dal talian e/u dal rumantsch èn d'avantatg
- Plaschair da prender decisiuns
- Bun dun da contractar ed abilitad da sa far valair sco er demananza curtaschaivla e segira
- Engaschament professiunal e prontezza da sa perfecziunar
- Abilitad da supportar squitsch ed abilitad da lavurar en in team
- Dun organisatoric, discreziun e fidadadad
Nus ans legrain da Vossa annunzia online e da far Vossa enconuschientscha.