Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Es ti pronta u pront da gidar a sviluppar la transfurmaziun digitala? Sco center da servetschs e da cumpetenzas per IT da l'administraziun chantunala dal Grischun sustegnain nus noss posts da servetsch cun ina infrastructura da basa segira e cun applicaziuns progressivas. Ensemen cun tai faschain nus avanzar la transfurmaziun digitala dal chantun Grischun.
Nus sco Uffizi d'informatica tschertgain perquai per immediat u tenor cunvegna ina supportra u in supporter dad ICT
Tes champ d'incumbensas
Il servetsch da clientella dad IT è exact tia chaussa! Sco persuna conscienta ed abla da lavurar en in team elavuras ti dumondas ed es l'emprima persuna da contact per dumondas da la IT da nossa clientella. Ti:
- es la persuna responsabla per installar, gestiunar e mantegnair l'infrastructura da Client tar nossa clientella
- cusseglias e sustegnas la clientella en diversas dumondas da la IT
- elavuras annunzias da disturbis en il support da segund nivel e renvieschas ulteriurs disturbis al support dal terz nivel
- analiseschas e documenteschas annunzias da disturbis en noss sistem da management
- collavuras tar l'introducziun, la migraziun ed ils updates d'applicaziuns spezialas e ta participeschas activamain a projects dad IT
Quai giavischain nus da tai
Ti has absolvì ina scolaziun u ina furmaziun supplementara en informatica ed has experientscha en il support da segund nivel sco er d'administrar sistems da Microsoft. Sco persunalitad independenta e fidada cun ina gronda orientaziun a la clientella ed als servetschs has ti atgna iniziativa, in pensar analitic ed ina buna perseveranza. Plinavant tutgan latiers ina moda da lavurar structurada e fidada ch'è orientada al team sco er bunas enconuschientschas dal tudestg.
Nus ans legrain da Vossa annunzia online e da far Vossa enconuschientscha.