Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Sco practicista u practicist da mantegniment AFP es ti in sustegn impurtant en il sectur dal mantegniment dal manaschi. Ti gidas a cultivar edifizis, surfatschas verdas ed implants tecnics. Tar tias incumbensas tutgan per exempel il remplazzament da pairs electrics, la reparaziun simpla da mobiglias u il tegnair net da vias e da stabiliments. Ti emprendas da duvrar differents urdains e diversas maschinas e lavuras savens en il team. Durant tia scolaziun emprendas ti da giudim ensi la savida e las abilitads professiunalas ed es en cas da dumagnar las pretensiuns en il sectur interuman e professiunal.
Tias fermezzas èn
- Inschign manual
- Chapientscha tecnica pratica
- Fidadadad
- Abilitad da supportar squitsch corporal
- Abilitad da lavurar en in team
Betg ponderescha ditg, mabain t'annunzia anc oz tar nus. Infurmaziuns detagliadas davart las singulas professiuns chattas ti sut: www.lehre.gr.ch. Sche ti has anc dumondas u vuls savair dapli davart la professiun giavischada, lura dà simplamain in telefon.
Nus ans legrain da tia annunzia cun il curs da la vita e cun ina fotografia sco er cun ils quatter ultims attestats da scola. Ta preschenta en ina curta brev e mussa a nus tias fermezzas che ti vuls far valair tar nus ils proxims onns.
Uffizi per la furmaziun media-superiura, Scola chantunala grischuna, Reto Padrutt, telefon 081 257 51 63