Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Per incumbensa da las vischnancas presta l'Uffizi chantunal dal servetsch social agid social persunal ed agid per persunas dependentas. Plinavant sustegna el persunas en connex cun l'access a l'agid social economic. Per quest intent maina el otg servetschs socials regiunals en las regiuns dal chantun.
Ils tut en tut quatter servetschs socials regiunals en l'Engiadina ed en il Grischun dal Sid èn unids sut ina direcziun cuminaivla e sa numnan Arco Sud. Els èn responsabels per 31 vischnancas che cumpiglian var 41 000 persunas.
Per la direcziun dals Servetschs socials dal Arco Sud tschertgain nus per il 1. d'avust 2025 u tenor cunvegna ina manadra u in manader.
Voss champ d'incumbensas
- Surpigliar la responsabladad per la direcziun professiunala, organisatorica e persunala dals quatter posts da cussegliaziun cun tut en tut 16 collavuraturas e collavuraturs
- Sustegnair las collavuraturas ed ils collavuraturs en situaziuns da cussegliaziun cumplexas
- Elavurar dumondas specificas dals secturs da l'agid social material, dal dretg d'assicuranza sociala e da la cussegliaziun sociala persunala
- Surpigliar la responsabladad per la communicaziun cun las autoritads socialas da las vischnancas
- Installar e tgirar ina rait da collavuraziun per las collavuraturas ed ils collavuraturs dals servetschs socials chantunals en l'intschess. Latiers tutgan en spezial las vischnancas e las organisaziuns partenarias
- Collavurar en dumondas concepziunalas u surordinadas cun la direcziun dals servetschs socials chantunals e cun la direcziun dal sectur spezial
- Cussegliar persunas singulas e famiglias en fatgs socials, e quai en moda orientada a soluziuns ed a resursas
- Procurar per l'access a las prestaziuns da las assicuranzas socialas sco er a l'agid social economic
- Cussegliar fugitivas e fugitivs renconuschids ed admess provisoricamain sco er persunas estras en dumondas da l'integraziun linguistica, professiunala e sociala
- Cussegliar persunas cun il status da protecziun S e procurar per sustegn finanzial
- Liquidar ulteriuras activitads multifaras, interessantas e da gronda responsabladad
Quai che nus giavischain da Vus
- Scolaziun terminada sco lavurera sociala u lavurer social BSc/SAS ubain diplom d'ina scolaziun cumparegliabla
- Experientscha da manar persunas e cumpetenza sociala
- Plaschair da lavurar cun persunas da differenta derivanza sociala e/u culturala
- Gronda cumpetenza da cussegliaziun sco er savida spezialisada en il dretg da l'agid social ed en il sectur da las assicuranzas socialas
- Plaschair da contacts, abilitad da supportar squitsch e da lavurar en in team, bunas abilitads communicativas, organisatoricas ed administrativas
- Fitg bunas enconuschientschas dal talian e dal tudestg vegnan premessas
- Moda da lavurar independenta ed orientada a soluziuns
Nus ans legrain da Vossa annunzia online e da far Vossa enconuschientscha.