Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Es ti pronta u pront da gidar a sviluppar la transfurmaziun digitala? Sco center da servetschs e da cumpetenzas per IT da l'administraziun chantunala dal Grischun sustegnain nus nossa clientella interna cun ina infrastructura da basa segira e cun applicaziuns progressivas. Ensemen cun tai faschain nus avanzar la transfurmaziun digitala dal chantun Grischun.
Nus sco Uffizi d'informatica tschertgain perquai per immediat u tenor cunvegna ina collavuratura commerziala u in collavuratur commerzial.
Tes champ d'incumbensas
Sco collavuratura commerziala u collavuratur commerzial sustegnas ti nus en differents champs d'incumbensas. Latiers tutgan incumbensas d'administraziun, da persunal, da finanzas e da controlling. Plinavant collavuras ti tar ils fatgs d'acquisiziun e da contracts, redigias documents e correspundenza, gidas ad organisar occurrenzas e coordineschas tut las incumbensas dal team commerzial dals Servetschs centrals.
Quai giavischain nus da tai
Per questa plazza tschertgain nus ina persunalitad engaschada ed independenta che ha plaschair da lavurar en in team. Ti has terminà ina scolaziun commerziala da basa ed has plirs onns experientscha professiunala en il sectur commerzial. Plinavant has ti fitg bunas enconuschientschas da Microsoft Office, in'affinitad per la IT ed in dun organisatoric. Ina buna perseveranza sco er in stil segir ed expressiv da communitgar en tudestg cumpletteschan tes profil.
Nus ans legrain da tia annunzia online e d'emprender d'enconuscher tai.