Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per la valitaziun d'immobiglias (UVI) è organisà en moda decentrala en sis lieus. En il rom da las valitaziuns da revisiun e da las valitaziuns sin dumonda faschain nus las valitaziuns uffizialas da bains immobigliars surbajegiads. Tras nossa activitad variada essan nus mintga di en contact cun differents partenaris, sco proprietarias e proprietaris ed uffizis, sco er cun l'Assicuranza d'edifizis dal Grischun. En quest connex vegnan er utilisadas las trais linguas chantunalas.
Per il 1. da november 2025 u tenor cunvegna tschertgain nus ina persuna motivada sco manadra territoriala u manader territorial da la valitaziun d'immobiglias.
Voss champ d'incumbensas
- Manar ils dus biros a Samedan ed a Scuol en reguard professiunal ed operativ sco er en dumondas dal persunal
- Manar 11 collavuraturas e collavuraturs cun il sustegn da quatter manadras e manaders da team
- Cooperar a decisiuns specificas ed organisatoricas da la direcziun da l'uffizi
- Sustegnair las incumbensas per garantir la qualitad professiunala observond las prescripziuns legalas e l'ulteriur svilup da l'uffizi
- Tgirar il barat cun proprietarias e proprietaris, cun vischnancas en il territori sco er cun uffizis
- Cooperar a proceduras da protesta
- Valitar en moda autonoma bains immobigliars cumplexs en ils secturs d'abitar e da mastergn sco er en l'agricultura
- Elavurar expertisas, en emprima lingia per il maun public
Quai che nus giavischain da Vus
- Valitadra u valitader d'immobiglias cun certificat professiunal federal u ina scolaziun sumeglianta
- Enconuschientschas spezialas ed experientscha professiunala en il sectur architectura, direcziun da construcziun u en in sectur sumegliant
- Intgins onns experientscha professiunala en la valitaziun d'immobiglias
- Experientscha da manar persunas, in bun dun communicativ, forza da persvader, atgna iniziativa ed in grond senn da responsabladad
- Fitg bunas abilitads da lavurar en in team, prontezza a l'acziun e flexibilitad
Nus ans legrain da Vossa annunzia online e da far Vossa enconuschientscha.