Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Plantahof è in post da servetsch dal Departament d'economia publica e fatgs socials ed il center da cumpetenza per la furmaziun e la cussegliaziun agricula en il chantun Grischun. Ultra da la scola professiunala spezialisada d'agricultura porscha il Plantahof diversas scolaziuns da cuntinuaziun, curs da perfecziunament e dietas. Plinavant è el cumpetent per la cussegliaziun cumplessiva dals manaschis agriculs e d'alp dal Grischun e d'ulteriurs circuls che han in connex cun temas da l'agricultura.
Per quests intents maina el agens bains purils en quatter differents lieus, inclusiv duas butias dal bain puril. La finala dispona el er d'in center da dietas cun internat, auditori e manaschi d'alimentaziun.
Per il 1. d'avrigl 2025 u tenor cunvegna tschertgain nus ina collavuratura u in collavuratur per il sectur da viticultura en nossas vignas a Malans e per il tschaler da vin a Landquart.
Voss champ d'incumbensas
- Collavurar en noss manaschi biologic da viticultura che cumpiglia 2,5 hectaras vits ed in'atgna torclera
- Exequir lavurs da cultivaziun e da racolta en las vignas a Malans
- Exequir lavurs cun maschinas en la viticultura
- Exequir lavurs en il tschaler da vin (lavurs da tschaler, lavurs da nettegiament, etichettaziun e.u.v.)
- Liquidar lavurs generalas e lavurs da mantegniment sin il bain sco er gidar en auters secturs dal manaschi
- Ina lavur variada en in pitschen team motivà As spetga
- Opziunalmain èsi pussaivel da colliar questa funcziun a temp parzial cun la plazza en il sectur da pumicultura dal Plantahof. Er questa plazza è actualmain libra, uschia ch'i resultass ina plazza a temp cumplain
Quai che nus giavischain da Vus
- Experientschas en la viticultura, en il cas ideal cun ina scolaziun sco viticultura u viticultur, pura u pur, ortulana u ortulan ubain en ina professiun parentada
- Interess e motivaziun da lavurar en las vignas sco er en il tschaler da vin
- Buna constituziun fisica cun perseveranza correspundenta
- Moda da lavurar fidada ed independenta sco er prontezza da dumagnar las stagiuns cun blera lavur
- Enconuschientschas d'ir enturn cun apparats agriculs
- Persunalitad engaschada cun in bun spiert da team
- Bunas enconuschientschas dal tudestg
- Permiss da manischar da la categoria B cun examen da chars annexs, ev. examen da manischar plunaders
Nus ans legrain da Vossa annunzia online e da far Vossa enconuschientscha.