Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Plantahof è in post da servetsch dal Departament d'economia publica e fatgs socials ed il center da cumpetenza per la furmaziun e la cussegliaziun agricula en il chantun Grischun. Ultra da la scola professiunala spezialisada d'agricultura porscha il Plantahof diversas scolaziuns da cuntinuaziun, curs da perfecziunament e dietas. Plinavant è el cumpetent per la cussegliaziun cumplessiva dals manaschis agriculs e d'alp dal Grischun e d'ulteriurs circuls che han in connex cun temas da l'agricultura.
Per quests intents maina el agens bains purils en quatter differents lieus, inclusiv duas butias dal bain puril. La finala dispona el er d'in center da dietas cun internat, auditori e manaschi d'alimentaziun.
Per il 1. d'avrigl 2025 u tenor cunvegna tschertgain nus ina collavuratura u in collavuratur per il sectur da pumicultura da noss manaschi puril a Landquart.
Voss champ d'incumbensas
- Collavurar en noss manaschi da pumicultura che cumpiglia circa 5 hectaras (cunzunt maila, tschareschas, primblas e paira)
- Exequir lavurs da cultivaziun e da racolta en noss team da pumicultura
- En cas d'interess collavurar parzialmain en las butias dal bain puril
- Liquidar lavurs generalas sin il bain puril sco er lavurs en iert e gidar en auters secturs da manaschi
- Ina plazza variada en in team motivà As spetga
- Opziunalmain èsi pussaivel da colliar questa funcziun a temp parzial cun la plazza en il sectur da viticultura dal Plantahof. Er questa plazza è actualmain libra, uschia ch'i resultass ina plazza a temp cumplain
Quai che nus giavischain da Vus
- Experientschas en la pumicultura, en il cas ideal cun ina scolaziun sco pumicultura u pumicultur, pura u pur AFQ, ortulana u ortulan ubain en ina professiun parentada
- Interess e motivaziun da lavurar en la plantascha da puma sco er da zavrar e da preparar ils fritgs per la vendita
- Buna constituziun fisica cun perseveranza correspundenta
- Moda da lavurar fidada ed independenta sco er prontezza da dumagnar las stagiuns cun blera lavur
- Plaschair dal contact cun la clientella
- Persunalitad engaschada cun in bun spiert da team
- Bunas enconuschientschas dal tudestg
- Permiss da manischar da la categoria B cun examen da chars annexs, ev. examen da manischar plunaders
Nus ans legrain da Vossa annunzia online e da far Vossa enconuschientscha.