Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Per la Dretgira regiunala Plessur tschertgain nus per il 1. da fanadur 2025 u tenor cunvegna (mintgamai per 12 mais) ina praticanta giuridica u in praticant giuridic.
Voss champ d'incumbensas
Sco praticanta giuridica u praticant giuridic faschais Vus – suenter ina introducziun e tenor Vossa qualificaziun – scleriments giuridics da different gener, sustegnais las derschadras ed ils derschaders en la direcziun da process, manais il protocol da las tractativas giudizialas e redigis decisiuns en tut ils secturs dal dretg civil, dal dretg penal, dal dretg da procedura civila, dal dretg da procedura penala, dal dretg d'ierta sco er dal dretg da scussiun e da concurs.
Quai che nus giavischain da Vus
- Vus avais terminà in studi da giurisprudenza (lic. iur. u MLaw) ed en il cas ideal avais Vus gia fatg experientschas praticas.
- Premessas vegnan bunas qualificaziuns professiunalas, ina moda da lavurar independenta ed exacta, enconuschientschas da l'applicaziun dal computer e discreziun.
Annunzias en scrit ston vegnir drizzadas ensemen cun ils documents usitads sco er cun in extract actual dal register penal e dal register da scussiun a: Dretgira regiunala Plessur, MLaw Nicole Kuoni, Theaterweg 1, 7000 Cuira.
Nus ans legrain da Vossa annunzia e da far Vossa enconuschientscha.