Cuminaivlamain per il Grischun
L'Uffizi per la furmaziun professiunala (UCFP) è in post da servetsch dal Departament d'educaziun, cultura e protecziun da l'ambient (DECA) e realisescha las incumbensas da la politica da furmaziun da la Confederaziun e dal chantun concernent la furmaziun professiunala da basa. Plinavant è l'uffizi il post da cumpetenza en dumondas da la tscherna da professiun, da scola e da studi sco er l'instanza che accumpogna durant l'entira carriera professiunala.
Il secretariat da la partiziun Cussegliaziun da professiun, studi e carriera (CPSC) è l'emprim post da consultaziun per gruppas en mira externas ed internas. Sco collavuratura u collavuratur garantis Vus in andament irreproschabel da las lavurs da secretariat.
Per il 1. da mars 2025 u tenor cunvegna tschertgain nus ina secretaria u in secretari.
Voss champ d'incumbensas
- Garantir independentamain che las lavurs da secretariat da la partiziun CPSC vegnian exequidas a temp ed en moda cumpetenta
- Liquidar il servetsch da telefon e da posta sco er la recepziun da la clientella
- Prender encunter e liquidar annunzias da clientas e clients per discurs da cussegliaziun, administrar ils termins ed ils cas respectivs
- Scriver il protocol da las var set dietas spezialisadas da la partiziun
- Far statisticas
- Scolar l'emprendista commerzianta u l'emprendist commerziant AFQ en la furmaziun pratica durant il 1. onn d'emprendissadi
- Administrar il material da biro, la stanza da sesidas e tgirar la cafetaria
- Sustegnair las partiziuns da l'uffizi en lavurs administrativas
Quai che nus giavischain da Vus
- Emprendissadi terminà sco commerzianta u commerziant AFQ
- Utilisaziun segira dals meds d'informatica moderns
- Moda da lavurar independenta, structurada sco er exacta e speditiva
- Abilitad da lavurar en in team e flexibilitad
- Chapientscha per ils fatgs da las gruppas en mira internas ed externas
- En il cas ideal avais Vus absolvì in curs da furmatura professiunala u furmatur professiunal
- Bunas enconuschientschas a bucca ed en scrit dal tudestg
- Enconuschientschas d'ina segunda ed eventualmain er da la terza lingua chantunala èn giavischadas
Nus ans legrain da Vossa annunzia online e da far Vossa enconuschientscha.