Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi d'agricultura e da geoinfurmaziun è in post da servetsch dal Departament d'economia publica e fatgs socials. El cumpiglia las quatter partiziuns: Mesiras agriculas, Meglieraziuns da structura, Mesiraziun e Center da cumpetenza dal SIG.
Il Center da cumpetenza dal SIG maina sco post da servetsch interdisciplinar il sistem d'infurmaziun geografica (SIG) da l'administraziun chantunala. En in team engaschà cun otg spezialistas e spezialists lavurais Vus al punct da contact tranter il management da geodatas, l'automatisaziun e la IT. Vus automatisais las circulaziuns da datas e procurais, ch'ils posts spezialisads sco er las partenarias ed ils partenaris externs hajan a disposiziun datas actualas e consistentas da qualitad segirada.
Nus As purschain ina incumbensa variada e da gronda responsabladad tar l'administraziun chantunala. Vus lavurais en in team cumpetent e motivà ed inscuntrais ina cultura d'interpresa positiva e cun curtas vias da decisiun, ch'è orientada als servetschs ed a las finamiras.
Per la partiziun Center da cumpetenza dal SIG da l'Uffizi d'agricultura e da geoinfurmaziun tschertgain nus per il 1. da fanadur 2025 u tenor cunvegna ina spezialista u in spezialist d'informatica per il SIG.
Voss champ d'incumbensas
- Sviluppar ed automatisar process d'elavuraziun da datas
- Optimar ils process per metter a disposiziun ed utilisar geodatas en moda effizienta
- Integrar e metter a disposiziun geoservetschs ed interfatschas per applicaziuns spezialisadas
- Sustegnair ils posts da servetsch chantunals en connex cun l'integraziun e l'utilisaziun da tecnologias dal SIG
Quai che nus giavischain da Vus
- Diplom d'ina scola auta u d'ina scola auta spezialisada en geografia, geoinformatica, informatica u en ina direcziun parentada. Bainvegnidas èn er persunas che han experientschas professiunalas respectivas e che han fatg furmaziuns supplementaras en il sectur dal SIG sco er persunas che han gist terminà il studi
- Abilitad da s'acquistar permanentamain nova savida, d'analisar incumbensas e problems cumplexs sco er da sviluppar er en moda interdisciplinara propostas da soluziun e da realisar talas cun success
- En il cas ideal experientscha cun la modellaziun da datas e cun il processing da geodatas sco er cun il svilup e cun la gestiun da process automatisads d'elavurar datas, da geoservetschs e da web services
- Abilitad da lavurar en in team e da supportar squitsch, abilitads communicativas e capacitad da persvader
Nus ans legrain da Vossa annunzia online e da far Vossa enconuschientscha.