Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi d'agricultura e da geoinfurmaziun è in post da servetsch dal Departament d'economia publica e fatgs socials. El cumpiglia quatter partiziuns: Mesiras agriculas, Meglieraziuns da structura, Mesiraziun e Center da cumpetenza dal SIG.
La partiziun Mesiras agriculas è cumpetenta per exequir la legislaziun relevanta per l'agricultura che sa basa sin la politica agrara da la Confederaziun. Sco part d'in team giuven gidais Vus a realisar las prescripziuns da la protecziun da las auas en l'agricultura. Vus giuditgais dumondas da construcziun ordaifer la zona da construcziun (EOZ) ord vista da l'agricultura e sustegnais il manader dal ressort tar l'execuziun dals pajaments directs, en il sectur dal dretg funsil e dal dretg da fittanza sco er tar consultaziuns en connex cun la planisaziun dal territori.
Nus As purschain ina incumbensa variada e da gronda responsabladad tar l'administraziun chantunala. Vus lavurais en in team cumpetent e motivà ed inscuntrais ina cultura d'interpresa orientada als servetschs ed a las finamiras cun curtas vias da decisiun.
Per la partiziun Mesiras agriculas tschertgain nus per il 1. da fanadur 2025 u tenor cunvegna ina persuna motivada, cun experientscha da manar persunas, sco referendaria u referendari per la protecziun da las auas e per proceduras EOZ (80–100 %).
Voss champ d'incumbensas
- Sustegnair la realisaziun da las controllas d'ermeticitad sin manaschis d'agricultura e d'alpegiada
- Preparar posiziuns davart dumondas per edifizis e stabiliments ordaifer la zona da construcziun (EOZ)
- Sustegnair il manader da ressort tar l'execuziun dals pajaments directs, en il sectur dal dretg funsil e dal dretg da fittanza sco er en dumondas da la planisaziun dal territori
Quai che nus giavischain da Vus
- Scolaziun agricula da basa e furmaziun supplementara specifica cun in diplom sco agrotecnicista u agrotecnicist SSS u BSc SAS, ubain scolaziun cumparegliabla
- Bunas abilitads da communitgar e cumpetenza professiunala
- Bunas enconuschientschas da l'agricultura dal Grischun, oravant tut da l'agricultura muntagnarda e da l'alpegiada
- Moda da lavurar independenta ed ina gronda capacitad da persvader
- Experientscha en il management da projects
- Gronda prontezza a la prestaziun, fidadadad ed integritad
- En il cas ideal bunas enconuschientschas da las autras linguas chantunalas
Nus ans legrain da Vossa annunzia online e da far Vossa enconuschientscha.