Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Post da stab per l'egualitad da las schanzas per dunnas ed umens è il post spezialisà chantunal per dumondas d'egualitad. Organisatoricamain è el attribuì al Secretariat dal Departament d'educaziun, cultura e protecziun da l'ambient (DECA). En quest praticum da sis mais survegnis Vus invista da la lavur dal post da stab e da sias activitads multifaras. Puncts centrals èn occurrenzas, la lavur da publicitad e la collavuraziun tar projects d'egualitad.
Per il 1. da fanadur 2025 u tenor cunvegna tschertgain nus ina praticanta u in praticant per il Post da stab per l'egualitad da las schanzas per dunnas ed umens.
Voss champ d'incumbensas
- Sustegnair l'organisaziun d'occurrenzas e la realisaziun da projects d'egualitad
- Collavurar tar la lavur da publicitad, incl. social media
- Actualisar la pagina d'internet
- Far retschertgas davart temas ch'èn relevants per l'egualitad
- Liquidar lavurs administrativas generalas
Quai che nus giavischain da Vus
- In emprendissadi terminà, da preferenza cun maturitad professiunala, u studi da bachelor
- Interess per temas sco gender, egualitad e diversity; experientschas en quest sectur èn giavischadas, na vegnan dentant betg premessas
- Ina moda da lavurar independenta ed orientada al resultat
- In bun dun da s'exprimer
- Plaschair da contacts, in bun dun receptiv, interess multifars
- Enconuschientschas d'ina segunda ed eventualmain da la terza lingua chantunala èn d'avantatg
Nus ans legrain da Vossa annunzia online e da far Vossa enconuschientscha.