Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Per la partiziun ICT da l'Administraziun da taglia tschertgain nus per il 1. da zercladur 2025 u tenor cunvegna ina collega u in collega per il sustegn da las collavuraturas e dals collavuraturs sco emprima persuna da contact en cas da dumondas e problems en connex cun l'utilisaziun quotidiana da lur plazs da lavur digitals (Microsoft365 ed applicaziuns da taglia specificas) sco er per ademplir ulteriuras incumbensas interessantas per l'entira Administraziun da taglia.
Voss champ d'incumbensas
- Surpigliar il support da l'emprim nivel per dumondas e per annunzias da las collavuraturas e dals collavuraturs da trais partiziuns sur in sistem da ticketing sco er en cas da basegn transferiment ad u coordinaziun cun il helpdesk central per il support dal segund nivel
- Sustegnair e coordinar las collavuraturas ed ils collavuraturs che fan il support da l'emprim nivel en las ulteriuras partiziuns
- Coordinar l'administraziun d'utilisadras ed utilisaders (empustar accounts d'utilisaders, far annunzias da mutaziun e da sortida)
- Installar, configurar ed introducir hardware e software en collavuraziun cun il support central dad ICT da l'administraziun chantunala
- Tgirar il manaschi dal center da scan sco er installar, configurar ed administrar / tgirar l'infrastructura da scanning e d'imaging (incl. support dal segund nivel e coordinaziun cun furniturs da hardware e da software)
- Activar empustaziuns da hardware e da software sco er acquistar independentamain material accessoric e material pitschen
- Administrar ils abunaments da telefonin da las collavuraturas e dals collavuraturs e dals apparats finals da l'Administraziun da taglia (rolla da fleet-manager tenor il provider)
- Collavurar en projects dad IT en il sectur da las applicaziuns da taglia specificas
- Sustegnair la realisaziun da scolaziuns d'utilisaders
Quai che nus giavischain da Vus
- Scolaziun terminada cun success en il sectur dad IT ed experientscha pratica en il support
- Bunas enconuschientschas dals sistems operativs actuals da Microsoft per plazs da lavur e da las applicaziuns dad Office
- Enconuschientschas / experientscha en il sectur da raits
- Engaschi, premura ed exactadad en connex cun la lavur, independenza, fidadadad ed in cumportament da responsabladad
- Avertadad cun fermezzas en la communicaziun (buna expressiun per tudestg a bucca ed en scrit)
- Prontadad per far ina lavur che pretenda mintgatant ina tscherta flexibilitad, ma er ina tscherta abilitad da lavurar sut squitsch en in pitschen team
- Enconuschientschas specificas / preliminaras en il sectur da la taglia e da l'administraziun d'applicaziuns sco er enconuschientschas da l'englais e dal talian èn d'avantatg
Nus ans legrain da Vossa annunzia online e da far Vossa enconuschientscha.