Ensemen per il Grischun
L'unic chantun triling da la Svizra è in chantun multifar tant en quai che reguarda l'economia sco er la cultura e la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada. Contribuescha tias abilitads singularas e concepescha ensemen cun nus l'avegnir da l'administraziun chantunala dal Grischun.
L'Uffizi da guaud e privels da la natira (UGP) è il post spezialisà dal chantun per il guaud e per la protecziun cunter privels da la natira. Las collavuraturas ed ils collavuraturs dal UGP s'engaschan per ils basegns da la societad envers il guaud e garanteschan, ch'il guaud vegnia tractà en moda persistenta.
Ti procuras ch'il guaud grischun
- possia proteger ils umans, ils animals e l'infrastructura,
- saja il spazi da viver da bleras differentas spezias d'animals e da plantas,
- saja il furnitur da materia prima, sco lain, aua ed energia,
- possia esser vinavant in spazi da recreaziun e da temp liber per ils umans.
Nus tschertgain per immediat u tenor cunvegna ina referendaria u in referendari per la scolaziun forestala (70–100 %).
Tes champ d'incumbensas
- Ti sustegnas il manader da scolaziun tar la realisaziun dals curs intermanaschials sco er tar la procedura da qualificaziun
- En ils curs intermanaschials es ti en funcziun sco manadra u manader da curs e/u sco instructura u instructur
- Ti es la persuna da contact per las emprendistas ed ils emprendists, per las furmaturas ed ils furmaturs professiunals sco er per las lavurantas ed ils lavurants da guaud, sch'i dat dumondas davart la furmaziun da basa e davart la furmaziun supplementara en il sectur forestal
- Ti es la persuna da contact per las emprendistas ed ils emprendists en connex cun l'intermediaziun da plazzas d'emprendissadi e cun dumondas pertutgant la scola ed il manaschi d'emprendissadi, ed administreschas ils fatgs d'emprendissadi
- Ti substitueschas il manader da scolaziun
- Ti coopereschas a l'organisaziun dal mund da lavur (OdML) Guaud Grischun
- Ti sustegnas l'incumbensà per la segirezza da l'uffizi
- Ti sustegnas il sectur en connex cun ulteriuras tematicas, sco il management dals guauds statals e dumondas pertutgant l'economia da manaschi
Quai spetgain nus da tai
- Scolaziun forestala superiura terminada (scola auta spezialisada u scola da selviculturs) u scolaziun cumparegliabla
- Experientscha e plaschair d'ir enturn cun emprendistas ed emprendists
- Moda da lavurar iniziativa, fidada ed orientada al team
- Bunas enconuschientschas da la IT
- Permiss da manischar da la categoria BE u prontezza d'acquistar tal
- Fitg bunas enconuschientschas dal tudestg a bucca ed en scrit. Enconuschientschas dal rumantsch e/u dal talian èn d'avantatg
Nus ans legrain da tia annunzia online e d'emprender d'enconuscher tai.