Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
En il sectur da las scolas medias, da la furmaziun terziara e da la perscrutaziun realisescha l'Uffizi per la furmaziun media-superiura las incumbensas da la politica da furmaziun da la Regenza e dal Departament d'educaziun, cultura e protecziun da l'ambient a favur d'in Grischun sco lieu da furmaziun e da perscrutaziun attractiv.
La partiziun Scola chantunala grischuna è ina impurtanta instituziun da furmaziun cun ca. 1000 scolaras e scolars da tuttas trais linguas chantunalas. Sco partiziun subordinada da l'Uffizi per la furmaziun media-superiura porscha ella furmaziuns da scola media al gimnasi da lunga e da curta durada sco er a las scolas medias spezialisadas, commerzialas e d'informatica.
Sco commembra u commember da la direcziun da la scola avais Vus la cunresponsabladad per il svilup da la scola, dal persunal e dal manaschi ed ademplis incumbensas centralas per garantir la qualitad da la scola.
Per nossa scola tschertgain nus per il 1. da favrer 2026 ina prorectura u in prorectur.
Voss champ d'incumbensas
- Manar e sviluppar vinavant ina da nossas scolaziuns da gimnasi, scola media spezialisada, scola media commerziala u scola media d'informatica
- Surpigliar la responsabladad per ressorts specifics da la direcziun da la scola per l'entira scola
- Manar ed assister pedagogicamain classas (procedura da permissiun, management d'excepziuns e cussegliaziun) sco er sustegnair las persunas d'instrucziun da classa
- Cooperar en projects dal svilup da la scola e da la qualitad
- Represchentar la scola ad occurrenzas d'infurmaziun publicas sco er en gremis chantunals e naziunals, tut tenor la partiziun ed ils ressorts
- Instruir parzialmain in u eventualmain dus secturs spezials
Quai che nus giavischain da Vus
- Studi da scola auta terminà (stgalim master) en almain in rom d'instrucziun sco er in diplom d'instrucziun per scolas da maturitad
- Experientscha en la direcziun da scola è giavischada, medemamain sco ina qualificaziun supplementara en il sectur da la direcziun da scola sin il stgalim secundar II u la prontezza d'acquistar tala
- Abilitads directivas, organisatoricas e communicativas cumprovadas sco er experientscha en il management agil da projects
- Persunalitad dinamica, ch'è abla da supportar squitsch e da lavurar en in team e ch'è orientada a soluziuns, che lavura gugent cun persunas e che sustegna e gida a concepir activamain las valurs da la scola
- Experientscha d'instruir sin il stgalim secundar II cun interess da sviluppar l'instrucziun progressivamain en il context da la digitalitad
- Motivaziun per in'activitad da responsabladad en ils fatgs da furmaziun dal chantun Grischun
- Enconuschientschas fundadas en scrit ed a bucca d'almain duas linguas chantunalas – enconuschientschas d'ina terza lingua chantunala uffiziala èn d'avantatg
Nus ans legrain da Vossa annunzia online e da far Vossa enconuschientscha.