Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Sco post da cumpetenza e da coordinaziun exequescha l'Uffizi da persunal il dretg da persunal chantunal ed il management da persunal per l'administraziun chantunala e sviluppa vinavant cuntinuadamain las basas latiers. El contribuescha essenzialmain al fatg, ch'il chantun Grischun – sco patrun attractiv e progressiv – po ademplir sias incumbensas da tut temp e cun success.
Nus As purschain in champ d'incumbensas interessant, varià e pretensius al punct da contact da las resursas umanas, dal dretg e da la politica. In ambient da lavur avert, uras da lavur flexiblas sco er pussaivladads attractivas da lavurar davent da chasa e d'absolver furmaziuns supplementaras As spetgan en il center da Cuira. Nus promovain supplementarmain la cumpatibilitad da la professiun cun la famiglia, quai cun contribuziuns finanzialas a l'assistenza d'uffants ordaifer la famiglia, cun pensums da lavur flexibels e cun congedis da famiglia generus.
Pervia d'in congedi da maternitad tschertgain nus per il 1. d'avrigl 2025 u tenor cunvegna ina giurista u in giurist per dretg da persunal. L'engaschament è limità per entant fin ils 31 da december 2025, cun la pussaivladad da prolungar l'engaschament u d'al transferir en in engaschament da durada illimitada.
Voss champ d'incumbensas
- Elavurar dumondas giuridicas da l'entir champ d'incumbensas da l'Uffizi da persunal
- Cussegliar e sustegnair en moda independenta ils departaments ed ils posts da servetsch sco er las dretgiras ed ils instituts autonoms en dumondas da dretg da persunal
- Instruir e manar proceduras e tractativas da dretg da persunal sco er rediger cunvegnas e decisiuns
- Elavurar posiziuns, relaschs, documents da consultaziun, missivas e propostas per mauns da la Regenza
- Organisar e realisar occurrenzas da furmaziun supplementara
Quai che nus giavischain da Vus
- Studi da scola auta en giurisprudenza terminà
- Experientscha professiunala en l'administraziun publica, tar ina dretgira u en in'advocatura
- Enconuschientschas dal dretg da persunal u da lavur sco er dal dretg administrativ
- In fitg bun dun receptiv, ina demananza segira, abilitad da supportar squitsch e da lavurar en in team sco er ina moda da lavurar iniziativa, precisa ed orientada a soluziuns
- In'expressiun irreproschabla en scrit ed a bucca per tudestg sco er enconuschientschas dal rumantsch e dal talian
Nus ans legrain da Vossa annunzia online e da far Vossa enconuschientscha.