Ensemen per il Grischun
Sco chantun triling porscha il Grischun ina gronda diversitad areguard l'economia, la cultura e la politica. A medem temp è el ina regiun per lavurar e per far vacanzas. Cun sias purschidas turisticas multifaras e cun sia cuntrada magnifica porscha el in'auta qualitad da viver. L'administraziun chantunala dal Grischun è gist uschè variada sco noss chantun. Concepi cun nus il futur e faschai valair Vossas abilitads singularas.
L'Uffizi per il svilup dal territori è in post da servetsch dal Departament d'economia publica e fatgs socials e presta ina contribuziun decisiva per in svilup persistent ed orientà als basegns dal spazi da viver sco er dal spazi economic e da la natira en il chantun Grischun. En il rom da las prescripziuns federalas elavura el la basa da la planisaziun dal territori ed ils plans directivs chantunals, examinescha ils plans directivs regiunals sco er las planisaziuns d'utilisaziun da las vischnancas ed è cumpetent per la permissiun d'edifizis e da stabiliments ordaifer la zona da construcziun.
Per il 1. d'avrigl 2026 tschertgain nus ina manadra u in manader per l'Uffizi per il svilup dal territori.
Voss champ d'incumbensas
- Manar il post da servetsch cun circa 36 collavuraturas e collavuraturs
- Surpigliar la responsabladad organisatorica, specifica, persunala e finanziala per il post da servetsch
- Sviluppar vinavant la planisaziun chantunala dal territori sin il stgalim da la planisaziun directiva e da la planisaziun d'utilisaziun confurm als basegns da la societad, da l'economia e da l'ambient
- Posiziunar la planisaziun dal territori en concepts chantunals ed en strategias chantunalas
- Far valair ils interess da la politica da l'organisaziun dal territori dal Grischun en las activitads da la Confederaziun cun effect sin il territori (concepts e plans sectorials, projects da leschas, programs e.u.v.), dals chantuns vischins (planisaziuns directivas) sco er da l'exteriur vischin (plans per il svilup dal pajais)
- Represchentar il post da servetsch e cooperar en gremis naziunals e chantunals ed en gruppas da lavur
- Tgirar la rait ed ils contacts cun las autoritads, instituziuns ed organisaziuns chantunalas, interchantunalas e naziunalas relevantas
- Procurar per ina communicaziun interna ed externa adequata
Quai che nus giavischain da Vus
- Diplom da scola auta (master) ed experientscha professiunala da plirs onns en ina posiziun directiva
- Enconuschientschas spezialisadas approfundadas da la planisaziun dal territori
- Fitg bunas abilitads directivas per manar en moda effectiva ed economica il post da servetsch sco er enconuschientschas en economia da manaschi ed en economia publica
- Enconuschientscha da las relaziuns territorialas, economicas e politicas dal chantun Grischun
- In pensar ed agir innovativ che s'orientescha a princips d'interpresa sco er a servetschs ed a soluziuns
- Plaschair da decider e da sa far valair
- Fitg buna cumpetenza sociala ed abilitads concepziunalas
- Flexibilitad, abilitad da supportar squitsch e discreziun
- Abilitads excellentas da communitgar ed in'expressiun segira ed orientada a las adressatas ed als adressats en tudestg
- Bunas enconuschientschas d'ina ulteriura lingua chantunala èn giavischadas
Nus ans legrain da Vossa annunzia online e da far Vossa enconuschientscha.