Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da construcziun bassa è cumpetent per la projectaziun, per la construcziun, per il mantegniment e per la gestiun da las vias chantunalas sco er per la correcziun dals curs d'aua e per il traffic betg motorisà en il Grischun. Plinavant ans occupain nus dal mantegniment funcziunal da las vias naziunalas sin il territori chantunal. L'infrastructura da las vias chantunalas cumpiglia passa 1450 construcziuns artifizialas, tranter auter punts d'ina autezza considerabla da fin 90 meters e tunnels d'ina lunghezza da fin 3 kilometers. Las sfidas da la natira che resultan la stad e l'enviern en noss chantun da muntogna, rendan nossa lavur pretensiusa e multifara. Sco uffizi certifitgà cun «Friendly Work Space» ans stattan la sanadad e la cuntentientscha da nossas var 480 collavuraturas e collavuraturs tut spezialmain a cor. Per quest motiv ans engaschain nus per in management da sanadad sistematic en il manaschi (MSM).
Per il 1. d'avust 2025 u tenor cunvegna tschertgain nus ina dissegnadra tecnica u in dissegnader tecnic per la partiziun Construcziun da vias.
Voss champ d'incumbensas
- Collavurar tar projects da signalisaziun e da marcaziun davent dal sboz fin a la realisaziun
- Exequir la devisaziun e la publicaziun da lavurs da signalisaziun e da marcaziun
- Surpigliar la responsabladad per elavurar las datas davart las frequenzas dal traffic
- Sustegnair il superiur en fatgs tecnics, planisatorics ed administrativs
Quai che nus giavischain da Vus
- Scolaziun terminada sco dissegnadra u dissegnader, direcziun inschigneria u scolaziun equivalenta
- Bunas enconuschientschas da CAD, en il cas ideal cun AutoCAD
- Experientscha en la devisaziun
- Fidadadad e senn da responsabladad
- Plaschair da la lavur da team interdisciplinara
Nus ans legrain da Vossa annunzia online e da far Vossa enconuschientscha.