Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Per la partiziun ICT da l'Administraziun da taglia tschertgain nus per il 1. da zercladur 2025 u tenor cunvegna ina collega u in collega per collavurar a projects e per manar projects en il rom da la tgira, da l'ulteriur svilup e da la renovaziun da las applicaziuns spezialisadas da taglia che vegnan duvradas da l'Administraziun chantunala da taglia e da las vischnancas sco er per tgirar singulas da questas applicaziuns en la rolla sco persuna responsabla per las applicaziuns.
Voss champ d'incumbensas
- Collavurar a projects dad IT e d'organisaziun concernent la tgira, l'ulteriur svilup e la renovaziun d'applicaziuns da register e da taxaziun che vegnan duvradas en il process d'incassament da taglia, cun elavurar en moda independenta pachets da lavur da projects e/u manar projects e projects parzials
- Coordinar la gestiun da singulas applicaziuns da taglia en collavuraziun cun persunas superiuras, cun collegas da la partiziun, cun autras partiziuns spezialisadas da l'Administraziun da taglia, cun l'Uffizi d'informatica, cun auters posts da servetsch chantunals, cun uffizis communals da taglia sco er cun furnituras da software
- Far tests da funcziunalitads tecnicas novas u midadas en las applicaziuns da taglia ed assister specificamain las administraturas ed ils administraturs d'applicaziuns en las partiziuns spezialisadas. Medemamain sustegnair questas persunas en connex cun tests da funcziunalitads professiunalas novas u midadas (mintgamai incl. collaudaziun da funcziunalitads testadas)
- Planisar e survegliar elavuraziuns automatisadas sco er procurar per intervenziuns / mesiras en cas da sbagls d'elavuraziun
- Sustegnair las partiziuns spezialisadas en connex cun la realisaziun da scolaziuns d'utilisaders
Quai che nus giavischain da Vus
- Da preferenza in emprendissadi commerzial terminà cun furmaziun / scolaziun supplementara (p.ex. attestat professiunal SSS informatica u informatica economica) ed experientscha pratica en il sectur da l'informatica
u
in emprendissadi terminà en il sectur da l'informatica cun furmaziun / scolaziun supplementara (p.ex. furmaziuns supplementaras preparatoricas u attestats professiunals en il sectur fiduziar / taglias / administraziun publica) u experientscha pratica en il sectur commerzial, administrativ e/u organisatoric - In bun dun receptiv / chapientscha per process e per connexs, fermezzas organisatoricas ed ina moda da lavurar structurada
- Ina buna abilitad d'As concentrar, premura / exactadad en connex cun la lavur, independenza, fidadadad ed in cumportament da responsabladad
- Avertadad cun fermezzas en la communicaziun (buna expressiun per tudestg a bucca ed en scrit)
- Prontadad per in'activitad che pretenda mintgatant ina tscherta flexibilitad, ma er ina tscherta abilitad da lavurar sut squitsch en in pitschen team, sco er in'affinitad extraordinaria per ICT
- Enconuschientschas specificas / preliminaras en il sectur da la taglia e da l'administraziun d'applicaziuns sco er enconuschientschas da l'englais e dal talian èn d'avantatg
Nus ans legrain da Vossa annunzia online e da far Vossa enconuschientscha.