Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per l'execuziun giudiziala (UEG) è in post da servetsch dal Departament da giustia, segirezza e sanadad dal chantun Grischun. Il UEG è responsabel per l'execuziun da chastis e da mesiras sco er dals differents geners d'arrest. En il Grischun vegn l'execuziun da chastis e da mesiras pia reglada sco champ tematic unitar e sco incumbensa cumplessiva, nua che differentas gruppas professiunalas lavuran en moda interdisciplinara cun persunas che han commess malfatgs, per impedir ulteriurs acts criminals.
Il stabiliment giudizial Cazas Tignez ha circa 110 collavuraturas e collavuraturs e dispona da 150 plazzas da detenziun per l'execuziun serrada. 100 da questas plazzas èn per l'execuziun normala, 10 per la partiziun d'entrada, 28 per l'execuziun speziala e 12 per l'arrest d'inquisiziun.
Per tschertgain nus ina manadra u in manader da la scrinaria.
Voss champ d'incumbensas
- Esser responsabla u responsabel en reguard organisatoric ed operativ per la scrinaria
- Manar e promover las collavuraturas ed ils collavuraturs subordinads
- Manar, assister ed instruir las persunas collocadas assegnadas e quai tenor princips da l'accumpagnament socioprofessiunal (incl. qualificaziun, rapports e.u.v.)
- Promover las persunas collocadas en lur svilup professiunal e social
- Generar ed elavurar incumbensas da la clientella
- Sustegnair la clientella e gudagnar nova clientella
- Far calculaziuns, offertas e rendaquints en collavuraziun cun il manader dal sectur Lavur ed economia
- Organisar ils process da la producziun incl. controlla da la qualitad dals products
- Gidar a far il preventiv per il sectur specific
- Controllar e visar documents da furniziun e quints
- Tgirar las maschinas ed ils indrizs
- Realisar ed observar la segirezza a la lavur
- Collavurar stretgamain cun tut ils secturs dal stabiliment giudizial Cazas Tignez
Quai che nus giavischain da Vus
- Scolaziun terminada sco scrinaria u scrinari AFQ
- Plirs onns experientscha professiunala ed experientscha da direcziun
- Vus essas motivada u motivà d'instruir e d'assister persunas en lur mintgadi d'execuziun tenor princips da l'accumpagnament socioprofessiunal
- Experientscha da generar incumbensas e da gudagnar clientella
- Ina persunalitad equilibrada e flexibla cun ina gronda cumpetenza sociala sco er cun l'abilitad da lavurar en in team e da supportar squitsch
- Fitg bunas enconuschientschas dal tudestg – enconuschientschas da linguas estras èn d'avantatg
- Prontezza d'absolver la scolaziun sco spezialista u spezialist per l'execuziun giudiziala
- Conduita irreproschabla (naginas inscripziuns en il register penal ed en il register da scussiun)
Nus ans legrain da Vossa annunzia online e da far Vossa enconuschientscha.