Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Cun la partiziun Famiglias, uffants e giuvenils è l'Uffizi chantunal dal servetsch social cumpetent per famiglias da tgira, per temas en connex cun uffants e cun giuvenils sco er per dumondas da famiglia. Latiers tutgan er la surveglianza ed il subvenziunament da la tgira d'uffants cumplementara a la famiglia en l'entir chantun Grischun. Ils proxims mais vegni a dar svilups impurtants en quest sectur. La finanziaziun da la tgira d'uffants cumplementara a la famiglia vegn concepida da nov. Per la realisaziun vegn perquai creà in nov team.
Famiglia, uffants, giuvenils (gr.ch)Per il 1. da mars 2025 u tenor cunvegna tschertgain nus ina referendaria u in referendari Reducziuns dals custs tar la tgira d'uffants cumplementara a la famiglia.
Voss champ d'incumbensas
- Cussegliar e sustegnair furniturs da prestaziuns, persunas da referiment (geniturs) e vischnancas
- Elavurar en moda independenta incumbensas en tut ils pass dal process per reducir ils custs da la tgira d'uffants cumplementara a la famiglia
- Gidar a preparar statisticas ed evaluaziuns standardisadas
- Liquidar ulteriuras activitads multifaras, interessantas e da gronda responsabladad
Quai che nus giavischain da Vus
- Scolaziun terminada en il sectur commerzial (AFQ) u diplom d'ina scolaziun cumparegliabla cun intgins onns experientscha professiunala
- Enconuschientschas dal sectur da las assicuranzas socialas u da las taglias èn d'avantatg
- Plaschair da cooperar en in nov ambient
- Interess per dumondas socialas
- Fidadadad ed agir orientà a la prestaziun da servetschs
- Plaschair da contacts, abilitad da supportar squitsch e da lavurar en in team
- Bunas abilitads communicativas, organisatoricas ed administrativas
- Moda da lavurar exacta, independenta ed orientada a soluziuns
- Plaschair da lavurar cun applicaziuns da l'internet e bunas enconuschientschas dals programs da Microsoft Office
- En il cas ideal enconuschientschas da las linguas chantunalas uffizialas
Nus ans legrain da Vossa annunzia online e da far Vossa enconuschientscha.