Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il sectur spezial Svilup regiunal tar l'Uffizi per economia e turissem è cumpetent per coordinar e per realisar programs da promoziun e projects chantunals, interchantunals e transcunfinals per il svilup da l'economia regiunala. Ensemen cun ils ulteriurs secturs spezials da l'uffizi gida il team dal Svilup regiunal a mantegnair ed a rinforzar las regiuns dal chantun Grischun sco spazis da viver e spazis economics attractivs.
Per immediat u tenor cunvegna tschertgain nus ina manadra da project u in manader da project Svilup regiunal (80–100 %).
Voss champ d'incumbensas
- Surpigliar la responsabladad dal post d'infurmaziun e da consultaziun per programs da promoziun chantunals e per instruments da promoziun per il svilup da l'economia regiunala – en spezial per la Nova politica regiunala (NPR)
- Elavurar dumondas da promoziun e controlling da projects da promoziun
- Coordinar e realisar ils programs da promoziun transcunfinals (Interreg Italia–Svizzera ed Interreg Rain alpin–Lai da Constanza–Rain Aut)
- Tgirar contacts e raits cun partenaris da la politica ed economia regiunala dals secturs economia, politica ed administraziun – en spezial er en las regiuns talianas
- Cooperar tar la coordinaziun dal management regiunal ed accumpagnar professiunalmain las sviluppadras regiunalas ed ils sviluppaders regiunals en il chantun cun lur projects
- Planisar, accumpagnar e coordinar programs, projects ed incaricas da prestaziun per promover il svilup economic dal chantun e da las regiuns, e quai en stretga collavuraziun cun la manadra dal svilup regiunal da l'Uffizi per economia e turissem
- Sustegnair la direcziun dal sectur spezial tar incumbensas administrativas ed operativas en connex cun il svilup regiunal e cun la realisaziun da la politica regiunala
Quai che nus giavischain da Vus
- Diplom d'ina scola auta u d'ina scola auta spezialisada, p.ex. en economia da manaschi u economia publica, geografia economica u svilup regiunal
- Experientscha professiunala en il svilup regiunal u en la promoziun da l'economia sco er grond interess per ils connexs da l'economia publica e per ils fatgs economics e politics en il chantun Grischun
- Fitg bunas enconuschientschas dal talian ed in stil segir en tudestg
- Pensar analitic, experientscha en l'applicaziun da metodas e d'instruments dal management da projects sco er moda da lavurar structurada, exacta ed independenta
- Gronda cumpetenza sociala, dun da contractar e demananza segira
Nus ans legrain da Vossa annunzia online e da far Vossa enconuschientscha.