Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da construcziun bassa è cumpetent per la projectaziun, per la construcziun, per il mantegniment e per la gestiun da las vias chantunalas sco er per la correcziun dals curs d'aua e per il traffic betg motorisà en il Grischun. Plinavant ans occupain nus dal mantegniment funcziunal da las vias naziunalas sin il territori chantunal. L'infrastructura da las vias chantunalas cumpiglia passa 1450 construcziuns artifizialas, tranter auter punts d'ina autezza considerabla da fin 90 meters e tunnels d'ina lunghezza da fin 3 kilometers. Las sfidas da la natira che resultan la stad e l'enviern en noss chantun da muntogna, rendan nossa lavur pretensiusa e multifara. Sco uffizi certifitgà cun «Friendly Work Space» ans stattan la sanadad e la cuntentientscha da nossas var 480 collavuraturas e collavuraturs tut spezialmain a cor. Per quest motiv ans engaschain nus per in management da sanadad sistematic en il manaschi (MSM).
Per la partiziun Mantegniment da las vias tar il district 7 Tusaun tschertgain nus per il 1. da favrer 2025 u tenor cunvegna ina stradina u in stradin
Voss champ d'incumbensas
- Exequir lavurs da mantegniment da las vias en in pitschen team da mantegniment
- Surpigliar servetschs da stad e d'enviern
- Far lavurs da rumida e da reparatura suenter accidents u eveniments da la natira
- Controllar il stadi da las vias ed ils implants da las vias
- Prestar servetsch da pichet (stad ed enviern)
- Cun las qualificaziuns necessarias èsi pussaivel da sa sviluppar vinavant a la capolavurera u al capolavurer, quai cun frequentar ina furmaziun supplementara
Quai che nus giavischain da Vus
- Emprendissadi terminà en il sectur da construcziun
- Inschign manual
- Abilitad da supportar squitsch fisic
- Plaschair da lavurar en in team
- Enconuschientschas dal rumantsch
Nus ans legrain da Vossa annunzia online e da far Vossa enconuschientscha.