Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per l'execuziun giudiziala (UEG) è in post da servetsch dal Departament da giustia, segirezza e sanadad dal chantun Grischun. Il UEG è responsabel per l'execuziun da chastis e da mesiras sco er dals differents geners d'arrest. En il Grischun vegn l'execuziun da chastis e da mesiras pia reglada sco champ tematic unitar e sco incumbensa cumplessiva, nua che differentas gruppas professiunalas lavuran en moda interdisciplinara cun persunas che han commess malfatgs, per impedir ulteriurs acts criminals.
Il stabiliment giudizial Cazas Tignez ha circa 110 collavuraturas e collavuraturs e dispona da 150 plazzas da detenziun per l'execuziun serrada. Var 100 da questas plazzas èn per l'execuziun normala, 10 per la partiziun d'entrada, 28 per l'execuziun speziala e 12 per l'arrest d'inquisiziun.
Perquai ch'il titular actual da la plazza va en pensiun, tschertgain nus per il 1. da favrer 2025 u tenor cunvegna ina substituta u in substitut dal manader dal servetsch da chasa e da nettegiament
Voss champ d'incumbensas
- Manar, assister ed instruir las persunas collocadas assegnadas a Vus, e quai tenor princips da l'accumpagnament socioprofessiunal (incl. qualificaziun, rapports e.u.v.)
- Promover las persunas collocadas en lur svilup professiunal e social
- Surpigliar la cunresponsabladad per il nettegiament e per il mantegniment da las surfatschas generalas, da las zonas verdas e da las localitads ordaifer las gruppas d'abitar sco er dals manaschis da mastergn e da provediment
- Surpigliar la responsabladad per ina dismessa ecologica dal rument
- Procurar per in manaschi da lavur ordinà ed effizient sco er per la realisaziun e l'observanza da la segirezza da lavur
- Tgirar il shop intern, incl. empustaziuns dal sortiment e furniziuns
- Sustegnair ils lavuratoris e la logistica
- Tgirar las maschinas ed ils apparats
- Collavurar stretgamain cun tut ils secturs dal stabiliment giudizial Cazas Tignez
Quai che nus giavischain da Vus
- Emprendissadi cun AFQ en il nettegiament d'edifizis u en in sectur sumegliant – eventualmain sco pedella u pedel cun certificat federal
- Vus essas motivada u motivà d'instruir e d'assister persunas en lur mintgadi d'execuziun tenor princips da l'accumpagnament socioprofessiunal
- Inschign manual
- Ina persunalitad equilibrada e flexibla cun ina gronda cumpetenza sociala sco er cun l'abilitad da lavurar en in team e da supportar squitsch
- Bunas enconuschientschas dal tudestg – enconuschientschas da linguas estras èn d'avantatg
- Permiss da manischar da la categoria B
- Prontezza d'absolver la scolaziun sco spezialista u spezialist per l'execuziun giudiziala
- Conduita irreproschabla (naginas inscripziuns en il register penal ed en il register da scussiun)
Nus ans legrain da Vossa annunzia online e da far Vossa enconuschientscha.