Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'engaschament da l'Uffizi per la segirezza da victualias e per la sanadad d'animals (USVA) è deditgà a la protecziun ed al bainstar dals umans e dals animals, oz ed en l'avegnir.
Per l'Uffizi per la segirezza da victualias e per la sanadad d'animals tschertgain nus per il 1. da mars 2025 u tenor cunvegna ina laboranta u in laborant da microbiologia.
Voss champ d'incumbensas
- En in pitschen team da labor lavurais Vus en il sectur da la microbiologia da victualias.
- En emprima lingia faschais Vus analisas microbiologicas d'emprovas da victualias uffizialas e privatas.
- Cun il sustegn necessari stabilis Vus, tenor basegn, metodas molecularbiologicas per cumprovar tschertas ingredienzas da victualias.
- La garanzia da la qualitad e la tgira dals apparats en Voss sectur da cumpetenza cumpletteschan Voss champ d'incumbensas.
Quai che nus giavischain da Vus
- Scolaziun terminada sco laboranta u laborant da biologia
- Intgins onns experientscha professiunala
- Vus As sentis bain en l'analitica da rutina, essas averta u avert envers chaussas novas e lavurais gugent en moda independenta
- Experientscha cun PCR en temp real èn d'avantatg
- Moda da lavurar exacta tenor las instrucziun da lavur
- Vus essas en cas da rediger documents davart la garanzia da la qualitad e d'actualisar quels en il sectur dal labor
- Flexibilitad ed enconuschientschas solidas da la IT (Microsoft Office)
Nus ans legrain da Vossa annunzia online e da far Vossa enconuschientscha.