Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Administraziun chantunala da taglia è cumpetenta per incassar las taglias directas en il chantun Grischun En quest connex surpiglia la partiziun Servetschs administrativs incumbensas administrativas en differents secturs per ca. 200 collavuraturas e collavuraturs.
Per l'Administraziun da taglia / Departament da finanzas e vischnancas tschertgain nus per il 1. da schaner 2025 u tenor cunvegna ina referendaria u in referendari per la partiziun Servetschs administrativs. En questa plazza sustegnais Vus la manadra dals Servetschs administrativs durant 3 dis per emna, mintgamai in mez di, en connex cun differentas incumbensas.
Voss champ d'incumbensas
- Liquidar differentas lavurs da l'administraziun dal persunal dal post da servetsch
- Sustegnair la manadra en il rom da l'elavuraziun dal preventiv dal persunal
- Elavurar crediturs e preparar quittanzas da cudeschaziun
- Liquidar ulteriuras lavurs administrativas da la partiziun
Quai che nus giavischain da Vus
- Emprendissadi commerzial terminà
- Experientscha professiunala da plirs onns
- Bunas enconuschientschas da l'administraziun dal persunal
- Moda da lavurar independenta ed exacta
- Flexibilitad ed abilitad da lavurar en in team
- Discreziun absoluta
Nus ans legrain da Vossa annunzia online e da far Vossa enconuschientscha.