Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da construcziun bassa è cumpetent per la projectaziun, per la construcziun, per il mantegniment e per la gestiun da las vias chantunalas sco er per la correcziun dals curs d'aua e per il traffic betg motorisà en il Grischun. Plinavant ans occupain nus dal mantegniment funcziunal da las vias naziunalas sin il territori chantunal. L'infrastructura da las vias chantunalas cumpiglia passa 1450 construcziuns artifizialas, tranter auter punts d'ina autezza considerabla da fin 90 meters e tunnels d'ina lunghezza da fin 3 kilometers. Las sfidas da la natira che resultan la stad e l'enviern en noss chantun da muntogna, rendan nossa lavur pretensiusa e multifara. Sco uffizi certifitgà cun «Friendly Work Space» ans stattan la sanadad e la cuntentientscha da nossas var 480 collavuraturas e collavuraturs tut spezialmain a cor. Per quest motiv ans engaschain nus per in management da sanadad sistematic en il manaschi (MSM).
Per il 1. da mars 2025 u tenor cunvegna tschertgain nus ina manadra juniora u in manader junior da project per la partiziun Construcziun da vias. Vus survegnis in accumpagnament professiunal e metodic tras in manader da project versà e pudais uschia As viver en pass per pass en Voss nov champ d'incumbensas.
Voss champ d'incumbensas
- Collavurar a projects da vias pretensius en las fasas projectaziun, approvaziun dal project e preparaziun da la construcziun
- Coordinar las lavurs tranter ils incumbensads ed ils secturs specifics pertutgads da l'Uffizi da construcziun bassa, ils uffizis chantunals involvids sco er las vischnancas e las persunas privatas
- Realisar ils projects en moda professiunala, confurm al termin e tenor preventiv sco er survegliar l'observanza da las prescripziuns da qualitad
- Sustegnair il superiur en fatgs tecnics, planisatorics ed administrativs
Quai che nus giavischain da Vus
- Studi terminà sco inschignera u inschigner da construcziun ubain tecnicista u tecnicist SSS planisaziun da construcziun, inschigneria
- Enconuschientschas da basa en la projectaziun da vias
- Prontezza d'emprender, dun da communitgar ed atgna iniziativa
- Abilitad da lavurar en in team e da supportar squitsch
- Plaschair da la lavur da team interdisciplinara
- Enconuschientschas dal talian e/u dal rumantsch èn giavischadas
Nus ans legrain da Vossa annunzia online e da far Vossa enconuschientscha.