Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Plantahof è in post da servetsch dal Departament d'economia publica e fatgs socials ed il Center da cumpetenza per la furmaziun e la cussegliaziun agricula en il chantun Grischun. Ultra da la scola professiunala spezialisada d'agricultura porscha il Plantahof diversas scolaziuns da cuntinuaziun, curs da perfecziunament e dietas. Plinavant è el cumpetent per la cussegliaziun cumplessiva dals manaschis agriculs e d'alp dal Grischun. Per quests intents maina el in agen bain puril en quatter differents lieus, inclusiv duas butias dal bain puril. Il bain puril Waldhaus a Cuira vegn cultivà tenor directivas biologicas e cumpiglia il center da cumpetenza per la tratga da muvel manidel (chauras da latg, nursas da latg e nursas da charn), 40 hectaras surfatscha utilisada da l'agricultura cun producziun da pavel, ina cultivaziun dad ers variada, pumicultura sco er in'atgna butia dal bain puril.
Per il 1. da matg 2025 u tenor cunvegna tschertgain nus al Plantahof ina manadra u in manader dal bain puril Waldhaus a Cuira.
Voss champ d'incumbensas
- Manar il bain puril Waldhaus tenor directivas biologicas
- Manar e far il plan da lavur per in team da 4 collavuraturas e collavuraturs sco er dad 1 fin 2 persunas en scolaziun
- Surpigliar la responsabladad per l'allevament e la tratga da ca. 60 chauras da latg, 60 nursas da latg e 60 nursas da charn
- Avair la responsabladad per la cultivaziun dad ers e la producziun da pavel
- Surpigliar la responsabladad per la pumicultura e per la butia dal bain puril, en collavuraziun cun il bain puril a Landquart
- Avair la responsabladad per emprovas praticas e per la lavur da publicitad dal bain puril a Cuira
- Mantegnair maschinas ed apparats sco er installaziuns ed edifizis, en collavuraziun cun il manader dals bains purils sco er cun l'Uffizi da construcziun auta
- Ina plazza fitg variada cun gronda responsabladad, bleras pussaivladads concepziunalas e las cumpetenzas da decisiun respectivas As spetga
Quai che nus giavischain da Vus
- Scolaziun sco maistra pura u maister pur, manadra u manader da manaschis agriculs, agrotecnicista u agrotecnicist SSS ubain ina scolaziun agricula cumparegliabla
- Persunalitad engaschada cun experientscha professiunala en l'agricultura (tegnida d'animals e cultivaziun da plantas)
- Experientscha da manar persunas resp. bunas abilitads directivas e la cumpetenza sociala respectiva
- Grond interess per l'allevament e la tegnida da chauras e nursas
- Prontezza da collavurar ad emprovas praticas cun la furmaziun, la cussegliaziun e cun terzas persunas
- Grond senn da responsabladad
- Fitg bunas enconuschientschas dal tudestg ed abilitads communicativas respectivas
- Bunas abilitads d'utilisar las applicaziuns d'informatica usitadas
Nus ans legrain da Vossa annunzia online e da far Vossa enconuschientscha.