Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Per il 1. da schaner 2025 u tenor cunvegna tschertgain nus per la Tgira da monuments tar l'Uffizi da cultura ina inventarisadra u in inventarisader.
Voss champ d'incumbensas
- Inventarisar e documentar monuments architectonics degns da protecziun dal chantun Grischun
- Elavurar basas da decisiun e d'argumentaziun per in tractament conscienzius da noss patrimoni istoric-cultural
- Far l'inventari chantunal d'edifizis per l'entir territori chantunal e represchentar quest inventari envers las vischnancas e las proprietarias ed ils proprietaris
- Cumplettar Vossas observaziuns sin il plazzal sco er cun perscrutar las funtaunas ed ils archivs. Voss resultats endatais Vus en scrit en ina banca da datas
Quai che nus giavischain da Vus
- La basa per questa activitad è in diplom academic d'istorgia d'art, d'istorgia u d'architectura
- En il cas ideal enconuschientschas en il sectur da l'inventarisaziun d'edifizis
- Abilitad da chapir svelt gruppas d'edifizis ed edifizis singuls en lur totalitad e da giuditgar la relevanza da tals per la cultura architectonica
- Segirezza da cataloghisar inventaris d'archivs
- Naginas difficultads da formular en moda precisa en tudestg (en scrit ed a bucca)
- Bunas enconuschientschas d'ina ulteriura lingua chantunala uffiziala, da preferenza talian
- Abilitad da lavurar en in team e prontezza dad esser en gir en tut il territori chantunal cumpletteschan Voss profil
Nus ans legrain da Vossa annunzia online e da far Vossa enconuschientscha.