Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per la natira e l'ambient (UNA) è in post da servetsch dal Departament d'educaziun, cultura e protecziun da l'ambient. El cumpiglia las tschintg partiziuns Natira e cuntrada, Protecziun tecnica e manaschiala da l'ambient, Aua sutterrana ed aua d'abitadis, Coordinaziun da proceduras e Servetschs.
La partiziun Natira e cuntrada è cumpetenta per l'execuziun dals secturs Protecziun da la natira e Protecziun da la cuntrada tenor la Lescha federala davart la protecziun da la natira e da la patria. Ella realisescha las cunvegnas da program cun la Confederaziun en ils secturs protecziun da la natira, da la cuntrada (incl. parcs d'impurtanza naziunala e patrimoni mundial) e da las revitalisaziuns da las auas, tgira las cunvegnas da prestaziun cun ils parcs grischuns e realisescha la Strategia chantunala da biodiversitad en stretga collavuraziun cun ils posts spezialisads chantunals pertutgads sco er cun partenaris ordaifer l'administraziun. En Vossa funcziun sco manadra u manader da la partiziun manais Vus nov collavuraturas e collavuraturs e faschais part da la direcziun da l'uffizi. Ultra da quai As participais Vus activamain a l'ulteriur svilup da la Strategia chantunala da biodiversitad e da las cunvegnas da program cun la Confederaziun e represchentais il chantun en gremis professiunals chantunals e naziunals.
Nus As purschain ina incumbensa variada e da gronda responsabladad tar l'administraziun chantunala. Vus lavurais en in team cumpetent e motivà ed inscuntrais ina cultura d'interpresa positiva ed orientada als servetschs sco er a las finamiras, cun curtas vias da decisiun.
Per la partiziun Natira e cuntrada tschertgain nus per il 1. d'october 2025 u tenor cunvegna ina manadra u in manader da partiziun motivà cun experientscha da manar persunas (80–100 %).
Voss champ d'incumbensas
- Exequir confurm a la lescha, da maniera economica ed entaifer ils termins previs la legislaziun federala davart la protecziun da la natira e da la patria, en quels cas ch'ella tutga al champ da cumpetenza da l'uffizi.
- Cooperar al giudicament da planisaziuns e da projects areguard las disposiziuns da la Lescha davart la protecziun da la natira e da la patria, conceder permissiuns, controllar cundiziuns e mesiras da cumpensaziun.
- Cooperar a consultaziuns ed ad audiziuns
- Pajar contribuziuns federalas e chantunalas a mesiras da promoziun en ils secturs natira, cuntrada e revitalisaziuns da las auas.
- Elavurar ed actualisar las basas per l'execuziun da la protecziun da la natira e da la cuntrada
- Gidar a concepir, sviluppar vinavant e realisar la Strategia chantunala da biodiversitad
- Lavur da publicitad
- Represchentar il chantun en gremis spezialisads ed en projects sin plaun chantunal e naziunal
Quai che nus giavischain da Vus
- Motivaziun per ina lavur cun blera responsabladad a favur da la natira e cuntrada e dal svilup economic da las regiuns
- Terminà in studi da scienzas natiralas cun basas en ecologia e cuntrada
- Enconuschientschas dal dretg d'ambient
- Experientscha professiunala da plirs onns, da preferenza cun la liquidaziun da svilups da planisaziuns e da projects da construcziun, cun giudicaments da projects u cun l'accumpagnament ecologic da construcziuns sco er cun disposiziuns da dretg processual
- Affinitad per cifras ed enconuschientschas dals fatgs da contribuziuns (fatschentas da contribuziuns, finanziaziuns sur cunvegnas da program cun la Confederaziun e.u.v.)
- Experientscha da manar persunas
- Bunas enconuschientschas da las relaziuns economicas, socialas e politicas dal Grischun
- In pensar ed agir d'interprendider sco er orientà als servetschs ed a las soluziuns
- Plaschair da prender decisiuns e forza da persvader, gronda prontezza a la prestaziun, fidaivladad
- Bunas enconuschientschas d'ulteriuras linguas chantunalas èn d'avantatg
Nus ans legrain da Vossa annunzia online e da far Vossa enconuschientscha.