Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Inspecturat dal register funsil e register da commerzi è il post spezialisà chantunal per il register funsil, l'autoritad chantunala da permissiun en il dretg funsil e maina il register da commerzi.
Per il 1. da schaner 2025 u tenor cunvegna tschertgain nus ina secretaria u in secretari.
Voss champ d'incumbensas
Sco secretaria u secretari sustegnais Vus en in pitschen team las partiziuns Register funsil, Dretg funsil e Register da commerzi en tut las fatschentas administrativas. En spezial distgargiais Vus l'andament formal da procedura en ils secturs spezials dal dretg funsil e cooperais per intermediar infurmaziuns en il register da commerzi. Vus liquidais independentamain las lavurs da secretariat generalas, dais infurmaziuns al telefon e servis nossa clientella al spurtegl.
Quai che nus giavischain da Vus
- Vus avais ina scolaziun mercantila ed essas disada u disà da lavurar cun las applicaziuns da Microsoft Office.
- Vus As savais exprimer bain per tudestg a bucca ed en scrit, communitgais currentamain per talian ed avais plaschair d'ina lavur che ha contact cun il public.
- Demananza curtaschaivla, fidaivladad, abilitad da lavurar en in team sco er moda da lavurar speditiva ed orientada a la clientella cumpletteschan Voss profil.
Nus ans legrain da Vossa annunzia online e da far Vossa enconuschientscha.