Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da construcziun bassa è cumpetent per la projectaziun, per la construcziun, per il mantegniment e per la gestiun da las vias chantunalas sco er per la correcziun dals curs d'aua e per il traffic betg motorisà en il Grischun. Plinavant ans occupain nus dal mantegniment funcziunal da las vias naziunalas sin il territori chantunal. L'infrastructura da las vias chantunalas cumpiglia passa 1450 construcziuns artifizialas, tranter quellas datti punts d'ina autezza considerabla da fin 90 meters e tunnels d'ina lunghezza da fin 3 kilometers. Las sfidas da la natira che resultan la stad e l'enviern en noss chantun da muntogna, fan che nossa lavur è pretensiusa e multifara. Sco uffizi certifitgà cun «Friendly Work Space» ans stattan la sanadad e la cuntentientscha da nossas var 480 collavuraturas e collavuraturs tut spezialmain a cor. Per quest motiv ans engaschain nus per in management da sanadad sistematic en il manaschi (MSM).
Per il 1. da favrer 2025 u tenor cunvegna tschertgain nus ina stradina u in stradin per la partiziun Mantegniment da las vias tar il district 7 Tusaun.
Voss champ d'incumbensas
- Nettegiar ils tunnels da las vias chantunalas e naziunalas en tut il chantun
- Exequir lavurs da mantegniment da las vias en in pitschen team da mantegniment
- Surpigliar servetschs da stad e d'enviern
- Far lavurs da rumida e da reparaziun suenter accidents u eveniments da la natira
- Controllar il stadi da las vias ed ils implants da las vias
- Prestar lavur da notg (ca. 8 mais per onn) sco er servetsch da pichet da stad e d'enviern (ca. 4 mais per onn)
Quai che nus giavischain da Vus
- Emprendissadi terminà en il sectur da construcziun ubain sco mecanista u mecanist
- Prontezza da far lavur da notg e servetsch da pichet
- Inschign manual
- Abilitad da supportar squitsch fisic e psichic
- Plaschair da lavurar en in team
- Permiss da manischar da la categoria C u la prontezza d'acquistar tal
Nus ans legrain da Vossa annunzia online e da far Vossa enconuschientscha.