Lavurar là, nua che auters fan vacanzas.
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada.
Daventa ina part dal Post da stab Administraziun digitala tar il Departament da finanzas e vischnancas e sustegna nus tar la realisaziun da la transfurmaziun digitala. Dapi il 1. da schaner 2024 essan nus responsabels per la planisaziun strategica, la coordinaziun e la realisaziun da la «Strategia Administraziun digitala Grischun 2024–2028». Nossa lavur includa l'entira administraziun chantunala. Nus avain colliaziuns en l'entira Svizra e tgirain mintga di il barat cun persunas spezialisadas, cun mainaprojects e cun persunas directivas che derivan da tut ils secturs.
Per il 1. da schaner 2025 u tenor cunvegna tschertgain nus in'architecta u in architect da fatschentas.
Tes champ d'incumbensas
- Elavurar e sviluppar l'architectura da fatschentas dal e-government sco commembra u commember dal board chantunal d'architectura
- Accordar regularmain l'architectura dal e-government cun il portfolio dals projects, da l'architectura da soluziuns tecnica e cun la «Strategia Administraziun digitala Grischun 2024–2028» ord la perspectiva spezialisada resp. da fatschenta
- Identifitgar, concepir e documentar las prestaziuns ed ils process ord la perspectiva spezialisada resp. da fatschenta
- Eruir las pretensiuns a las prestaziuns ed als process interdisciplinars
- Tgirar e sviluppar vinavant il catalog digital da prestaziuns
Quai giavischain nus da tai
- In studi terminà en informatica economica, en scienza d'economia da manaschi u en in sectur sumegliant
- 3 fin 5 onns experientscha professiunala en il sectur d'incumbensas giavischà u en secturs sumegliants, sco il svilup da l'organisaziun e/u da prestaziuns e da process
- Experientscha metodica en inschigneria da fatschentas (architectura da fatschentas, analisa da fatschentas, business requirements engineering)
- Ina persunalitad averta e communicativa cun onns da lavur respectivs
- Certificaziuns en il sectur dal management da projects (HERMES, Agile) e da l'architectura d'interpresa (TOGAF)
- Fitg bunas enconuschientschas dal tudestg a bucca ed en scrit; enconuschientschas dal talian e dal rumantsch èn d'avantatg
- Fitg bunas abilitads da coordinar, moda da lavurar concepziunala, structurada e che observa ils termins, atgna iniziativa, abilitads da supportar squitsch e da collavurar en in team
Nus ans legrain da tia annunzia online e d'emprender d'enconuscher tai.