Collavuratura u collavuratur en la partiziun Contabilitad/controlling

Plantahof | 50 % | Landquart

S'annunziar online
Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Plantahof è in post da servetsch dal Departament d'economia publica e fatgs socials ed il Center da cumpetenza per la furmaziun e la cussegliaziun agricula en il chantun Grischun. Ultra da la scola professiunala spezialisada d'agricultura porscha il Plantahof diversas scolaziuns da cuntinuaziun, curs da perfecziunament e dietas. Plinavant è el cumpetent per la cussegliaziun cumplessiva dals manaschis agriculs e d'alp dal Grischun e d'ulteriurs circuls che han in connex cun temas da l'agricultura. Per quests intents maina el in agen bain puril en quatter differents lieus, inclusiv duas butias dal bain puril. La finala dispona el er d'in center da dietas cun internat, auditori e manaschi d'alimentaziun.

Per il 1. da favrer 2025 u tenor cunvegna tschertgain nus ina collavuratura u in collavuratur per la partiziun Contabilitad/controlling.

Voss champ d'incumbensas

  • Surpigliar la responsabladad principala per la facturaziun a temp a nossa clientella 
  • Tgirar ils contos da debiturs
  • Collavurar tar incumbensas administrativas generalas en il Post da stab Finanzas e controlling
  • Sustegnair il support da l'emprim nivel entaifer il manaschi

Quai che nus giavischain da Vus

  • Scolaziun fundamentala da commerzi terminada
  • Chapientscha exprimida da cifras ed utilisaziun segira da las applicaziuns dad IT
  • Pensar cumbinatoric sco er l'abilitad d'agir en atgna responsabladad ed en moda orientada a soluziuns
  • Abilitad da lavurar en in team, fidadadad e persunalitad positiva ed engaschada
  • Avertadad envers la digitalisaziun ed interess per l'informatica

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Plantahof
Kantonsstrasse 17
7302 Landquart

Per dumondas stat Marcel Alig (manader Finanzas e persunal) sut il numer da telefon 081 257 60 03 gugent a Vossa disposiziun.

Termin d'annunzia: 13 d'october 2024

Nus ans legrain da Vossa annunzia online e da far Vossa enconuschientscha.
S'annunziar online