Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Per l'Administraziun da taglia / Departament da finanzas e vischnancas tschertgain nus per il 1. da schaner 2025 u tenor cunvegna ina collavuratura u in collavuratur en la chanzlia per la secziun Taglia a la funtauna.
Voss champ d'incumbensas
- Controllar ed elavurar las annunzias che vegnan inoltradas da las persunas obligadas da pajar la taglia a la funtauna
- Surpigliar la responsabladad per manar il register en il sectur da la taglia a la funtauna
- Elavurar l'entrada/la sortida da la posta fisica ed electronica
- Dar infurmaziuns al telefon per patrunas e patruns, per lavurantas e lavurants sco er per auters uffizis
- Liquidar ulteriuras activitads multifaras, interessantas e da gronda responsabladad
Quai che nus giavischain da Vus
- Vus disponis d'ina furmaziun professiunala commerziala ed avais experientschas professiunalas da plirs onns.
- Vus essas disada u disà da lavurar en moda independenta, avais l'abilitad da supportar squitsch e da lavurar en in team, essas ina persuna flexibla e disponis d'ina tscherta forza da persvader.
- Vus avais plaschair dal contact cun la clientella e Vossa moda da communitgar avertamain faciliteschan Vossa lavur.
- Vus avais in stil segir a bucca ed en scrit en tudestg. Medemamain avais Vus enconuschientschas da basa dal talian.
Nus ans legrain da Vossa annunzia online e da far Vossa enconuschientscha.