Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da construcziun bassa è cumpetent per la projectaziun, per la construcziun, per il mantegniment e per la gestiun da las vias chantunalas sco er per la correcziun dals curs d'aua e per il traffic betg motorisà en il Grischun. Plinavant ans occupain nus dal mantegniment funcziunal da las vias naziunalas sin il territori chantunal. L'infrastructura da las vias chantunalas cumpiglia passa 1450 construcziuns artifizialas, tranter quellas datti punts d'ina autezza considerabla da fin 90 meters e tunnels d'ina lunghezza da fin 3 kilometers. Las sfidas da la natira che resultan la stad e l'enviern en noss chantun da muntogna, fan che nossa lavur è pretensiusa e multifara. Sco uffizi certifitgà cun «Friendly Work Space» ans stattan la sanadad e la cuntentientscha da nossas var 480 collavuraturas e collavuraturs tut spezialmain a cor. Per quest motiv ans engaschain nus per in management da sanadad sistematic en il manaschi (MSM).
Per il 1. da schaner 2025 u tenor cunvegna tschertgain nus ina secretaria u in secretari per il Secretariat da l'inschigner chantunal.
Voss champ d'incumbensas
- Lectorar
- Elavurar la correspundenza tenor dictat u chavazzins
- Far lavurs administrativas per las partiziuns Traffic betg motorisà, Correcziun dals curs d'aua e Mantegniment da las vias
- Organisar e protocollar las sesidas da la direcziun ed autras sesidas
- Sustegnair e substituir l'assistenta da l'inschigner chantunal
Quai che nus giavischain da Vus
- Scolaziun fundamentala da commerzi terminada u scolaziun equivalenta
- Experientscha professiunala da plirs onns en ina funcziun sumeglianta
- Gronda cumpetenza linguistica ed in stil segir d'As exprimer en tudestg ed en il cas ideal en talian ed en rumantsch
- Enconuschientscha ed experientscha da contabilitad èn d'avantatg
- Ina moda da lavurar exacta e fidada
- Independenza e discreziun
- Bunas enconuschientschas en l'applicaziun dal computer (Microsoft Office)
Nus ans legrain da Vossa annunzia online e da far Vossa enconuschientscha.