Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Administraziun chantunala da taglia è cumpetenta per incassar las taglias directas en il chantun Grischun, uschenavant che la legislaziun na prevesa betg ina cumpetenza da la Confederaziun u da las vischnancas. La partiziun Cumissariat fixescha las taglias sin las entradas e sin la facultad da persunas natiralas e collavura pia stretgamain cun las vischnancas.
Per rinforzar il team tschertgain nus per il 1. da november 2024 u tenor cunvegna ina collavuratura u in collavuratur da chanzlia cun lieu da lavur Cuira. Nus purschain ina fasa introductiva cumplessiva, ultra da quai uras da lavur flexiblas, ina plazza da lavur moderna, la pussaivladad da lavurar per part davent da chasa, in clima da lavur colleghial e pussaivladads interessantas d'absolver furmaziuns supplementaras.
Voss champ d'incumbensas
- Sco collavuratura u collavuratur da chanzlia sustegnais Vus il team dals servetschs interns e da la controlla tar tut las activitads da l'elavuraziun preliminara e posteriura, per che las persunas natiralas possian vegnir taxadas.
- Vus controllais communicaziuns che entran sin via electronica e faschais l'attribuziun interna da quellas.
- Vus cooperais tar l'administraziun electronica dals termins ed essas responsabla u responsabel per las interfatschas cun autras autoritads.
- Vus essas la persuna da consultaziun al telefon per pajataglias, vischnancas sco er autras partiziuns ed autoritads.
- Vus sustegnais ils administraturs da sistem tar las lavurs da rectificaziun e da mantegniment.
Quai che nus giavischain da Vus
- Scolaziun commerziala da basa
- Fitg bunas abilitads da lavurar en in team e flexibilitad
- Enconuschientschas dal talian e/u dal rumantsch èn giavischadas
- Prontezza d'emprender, dun da communitgar ed atgna iniziativa
- Savida segira dals instruments dad IT usitads (en spezial da Microsoft Office)
Nus ans legrain da Vossa annunzia online e da far Vossa enconuschientscha.