Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Administraziun chantunala da taglia è cumpetenta per incassar las taglias directas en il chantun Grischun, uschenavant che la legislaziun na prevesa betg ina cumpetenza da la Confederaziun u da las vischnancas. Il Cumissariat fixescha las taglias sin las entradas e sin la facultad da persunas natiralas (taglia federala directa e taglia chantunala).
Nus tschertgain per immediat u tenor cunvegna ina cumissaria u in cumissari da taglia junior motivà per persunas cun activitad da gudogn dependenta cun lieu da lavur a Samedan (alternativamain er pussaivel a Cuira). Nus purschain ina introducziun cumplessiva en in champ d'activitad pretensius. Ultra da quai uras da lavur flexiblas, ina plazza da lavur moderna, la pussaivladad da lavurar per part davent da chasa, in clima da lavur colleghial e pussaivladads interessantas d'absolver furmaziuns supplementaras.
Voss champ d'incumbensas
Vus examinais ed eruis ils facturs fiscals da las taglias sin las entradas e sin la facultad da persunas natiralas (cun activitad da gudogn dependenta) a maun da la decleraziun da taglia. Suenter ina fasa introductiva liquidais Vus questa lavur pretensiusa en moda independenta. Vus avais contact cun ils uffizis communals da taglia, cun las pajataglias ed ils pajataglias sco er cun lur represchentantas e represchentants.
Quai che nus giavischain da Vus
- Scolaziun commerziala da basa
- Bun dun receptiv. Buna expressiun a bucca ed en scrit en tudestg. Enconuschientschas dal rumantsch u dal talian èn d'avantatg
- Plaschair da prender decisiuns
- Bun dun da contractar ed abilitad da sa far valair sco er demananza curtaschaivla e segira
- Engaschament professiunal e prontezza da sa perfecziunar
- Abilitad da supportar squitsch
- Dun organisatoric
- Abilitad da lavurar en in team
- Discreziun e fidadadad
Nus ans legrain da Vossa annunzia online e da far Vossa enconuschientscha.