Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per il traffic sin via è cumpetent per admetter al traffic vehichels, bartgas sco er manischunzas e manischunzs, ed er per controllar periodicamain vehichels e bartgas, per relaschar mesiras administrativas cunter manischunzas e manischunzs fallibels sco er per imponer ed incassar taglias da traffic.
Per l'Uffizi per il traffic sin via / Departament da giustia, segirezza e sanadad tschertgain nus per il 1. da favrer 2025 u tenor cunvegna in'experta u in expert da traffic per Cuira u per Samedan.
Voss champ d'incumbensas
- Sco experta u expert per controllas da vehichels e da manischunzas e manischunzs rinforzais Vus noss team tecnic
- Vus realisais examens teoretics e pratics da manischunzas e manischunzs
- Vus controllais, sche vehichels han la qualificaziun tecnica
Quai che nus giavischain da Vus
- Scolaziun sco mecanista u mecanist d'autos u da camiuns u ina scolaziun tecnica cumparegliabla terminada
- Cumplenì almain 25 onns ed experientscha professiunala d'in pèr onns
- Questa activitad pretenda gronda responsabladad, abilitad da supportar squitsch e sensibilitad
- Buna moda da communitgar, plaschair da prender decisiuns ed appreziaziun dal contact direct cun la clientella
- Interess per temas da traffic moderns e la prontezza d'As perfecziunar professiunalmain
- Demananza curtaschaivla ed ina tenuta orientada a la clientella
- Enconuschientschas dal talian èn giavischadas
- Dapi almain 5 onns en possess dal permiss da manischar svizzer da la categoria B e la prontezza d'acquistar il permiss da manischar da la categoria C avant il cumenzament da la lavur
Nus ans legrain da Vossa annunzia online e da far Vossa enconuschientscha.