Sco laboranta u laborant es ti responsabla u responsabel per la realisaziun pratica da las examinaziuns scientificas. Laborants prelevan, analiseschan, isoleschan, nettegian u produceschan differentas substanzas chemicas.
Per questas incumbensas da gronda responsabladad purschain nus per l'avust 2025 ina plazza d'emprendissadi sco laboranta u laborant AFQ – direcziun chemia.
Scolaziun:
La scolaziun vegn fatga tenor l'Ordinaziun dal SEFRI davart la furmaziun fundamentala professiunala laboranta u laborant cun attestat federal da qualificaziun (AFQ) entaifer trais onns, cun u senza scola da maturitad professiunala (SMP). La scolaziun pratica ha lieu per gronda part en ils laboratoris dal USVA e vegn cumplettada cun curs intermanaschials da plirs dis en il labor d'emprendissadi da la EMS Chemie SA en collavuraziun cun la EMAX.
La scolaziun teoretica senza SMP cumpiglia per emna 1,5 dis a la scola professiunala artisanala a Cuira.
Sche las emprendistas ed ils emprendists cuntanschan bunas prestaziuns da scola e praticas durant l'emprendissadi, beneventa e sustegna l'Uffizi per la segirezza da victualias e per la sanadad d'animals l'instrucziun da scola supplementara per acquistar la maturitad professiunala. Ils scleriments per l'admissiun èn chaussa da l'emprendista u da l'emprendist.
Betg ponderescha ditg, mabain t'annunzia anc oz tar nus. Infurmaziuns detagliadas davart las singulas professiuns chattas ti sut:www.lehre.gr.ch. Sche ti has anc dumondas u vuls savair dapli davart la professiun giavischada, lura dà simplamain in telefon.
Nus ans legrain da tia annunzia cun il curs da la vita e cun ina fotografia sco er cun ils quatter ultims attestats da scola. Ta preschenta en ina curta brev e mussa a nus tias fermezzas che ti vuls far valair tar nus ils proxims onns.
Uffizi per la segirezza da victualias e per la sanadad d'animals, Eveline Gertrude Künzi, telefon 081 257 26 83
In emprendissadi tar il chantun ... Bun per las emprendistas ed ils emprendists – bun per il Grischun!