Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi chantunal dal servetsch social presta agid social persunal ed agid persunal per persunas dependentas per incumbensa da las vischnancas. Plinavant gida el persunas da survegnir access a l'agid social economic. Per quest intent maina el otg servetschs socials regiunals en las regiuns dal chantun.
Il Servetsch social regiunal Cuira / Plessur / Plaun è responsabel per 11 vischnancas cun 65 000 abitantas ed abitants.
Per noss biro regiunal a Cuira tschertgain nus per il 1. da november 2024 u tenor cunvegna ina lavurera sociala u in lavurer social che surpiglia la cussegliaziun per dumondas da dependenza e la drecziun dal team.
Voss champ d'incumbensas
- Manar il team da trais lavureras socialas e lavurers socials
- Sustegn specific da las cussegliadras ed ils cussegliaders per dumondas da dependenza d'auters servetschs socials regiunals
- Cussegliaziun da persunas cun problems da dependenza, da confamigliars e da terzas persunas, sch'i dat problems en il sectur da dependenza e social
- Procurar per l'access a las prestaziuns da las assicuranzas socialas sco er a l'agid social economic
- Collavurar cun las autoritads socialas e cun tscherts posts spezialisads
- Ademplir ulteriuras activitads multifaras, interessantas e da gronda responsabladad
Quai che nus giavischain da Vus
- Scolaziun terminada sco lavurera sociala u lavurer social BSc/SAS
- Experientscha da direcziun u la prontezza d'As sviluppar en quest sectur
- Plaschair da lavurar cun persunas da differenta derivanza sociala e/u culturala
- Cumpetenza da cussegliar sco er savida spezialisada en il sectur da dependenza, en il dretg da l'agid social ed en il sectur da las assicuranzas socialas
- Plaschair da contacts, abilitad da supportar squitsch e da lavurar en in team, bunas abilitads communicativas, organisatoricas ed administrativas
- En il cas ideal bunas enconuschientschas da linguas estras
- Moda da lavurar independenta ed orientada a soluziuns
Nus ans legrain da Vossa annunzia online e da far Vossa enconuschientscha.