Referendaria u referendari Taxaziun da las vaglias

Administraziun da taglia | 80–100 % | Cuira

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Per l'Administraziun da taglia / Departament da finanzas e vischnancas tschertgain nus per il 1. d'october 2024 u tenor cunvegna ina referendaria u in referendari Taxaziun da las vaglias.

Voss champ d'incumbensas

  • Controllar ils registers da vaglias da las persunas natiralas
  • Fixar ils retgavs e las facultads che vegnan suttamess a la taglia
  • Fixar ils dretgs da restituziun da la taglia anticipada federala sco er la retenziun supplementara USA
  • Controllar e fixar las taglias estras a la funtauna ch'èn imputablas
  • Collavurar cun las vischnancas e cun las cumissarias ed ils cumissaris da taglia. Cun questa lavur mettais Vus in impurtant crap da fundament en connex cun l'imposiziun da la taglia sin las entradas e sin la facultad

Quai che nus giavischain da Vus

  • Scolaziun commerziala u equivalenta 
  • Intgins onns experientscha professiunala en il sectur bancar u fiduziar, da preferenza en il sectur da vaglias u da taglia
  • Senn da responsabladad, discreziun, perseveranza, abilitad da supportar squitsch e premura
  • Flair per l'informatica, moda da lavurar independenta sco er interess per pussaivladads da perfecziunament
  • Dun da contractar, buna expressiun per tudestg a bucca ed en scrit
  • Enconuschientschas dal rumantsch e dal talian èn d'avantatg

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Administraziun da taglia
Steinbruchstrasse 18
7001 Cuira
Nus ans legrain da Vossa annunzia online e da far Vossa enconuschientscha.