Collavuratura u collavuratur da stab Servetschs centrals

Uffizi d'informatica | 20–60 % | Cuira

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.

Es ti pronta u pront da gidar a sviluppar la transfurmaziun digitala? Sco center da servetschs e da cumpetenzas per IT da l'administraziun chantunala dal Grischun sustegnain nus nossa clientella interna cun ina infrastructura da basa segira e cun applicaziuns progressivas. Ensemen cun tai faschain nus avanzar la transfurmaziun digitala dal chantun Grischun.

Nus sco 
Uffizi d'informatica tschertgain perquai per immediat u tenor cunvegna ina collavuratura u in collavuratur da stab Servetschs centrals

Tes champ d'incumbensas

Sco collavuratura u collavuratur da stab scrivas e redigias ti texts da tut gener (newsletters, intranet, novitads curtas, communicaziun da projects e.u.v.) e collavuras al svilup ed a la realisaziun da mesiras da communicaziun. Ti ans gidas er ad organisar occurrenzas ed elavuras projects interns che han la finamira da modernisar, d'optimar e da digitalisar las proceduras.

Quai giavischain nus da tai

Ti has terminà ina scolaziun u ina furmaziun supplementara en communicaziun u ina scolaziun equivalenta ed has experientscha redacziunala. Sco persunalitad engaschada has ti atgna iniziativa, abilitads organisatoricas ed ina sauna perseveranza. Plinavant disponas ti d'ina moda da lavurar structurada e fidada ch'è orientada al team, sco er da fitg bunas enconuschientschas dal tudestg a bucca ed en scrit.

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi d'informatica
Rosenweg 4
7001 Cuira
Nus ans legrain da tia annunzia online e d'emprender d'enconuscher tai.