Tgiradra u tgirader d'applicaziuns, manadra u manader da projects ICT e supportra u supporter ICT

Plantahof | 80–100 % | Landquart

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.

Il Plantahof è in post da servetsch dal Departament d'economia publica e fatgs socials ed il center da cumpetenza per la furmaziun e la cussegliaziun agricula en il chantun Grischun. Ultra da la furmaziun professiunala agricula porscha il Plantahof divers curs da perfecziunament ed è responsabel per ina cussegliaziun cumplessiva dals manaschis d'agricultura e d'alp en il Grischun. Per quests intents maina el er in agen manaschi agricul d'emprova e da scolaziun en quatter differents lieus, inclusiv duas butias dal bain puril. La finala dispona el er d'in center da dietas cun internat, locals da seminari ed in manaschi d'alimentaziun.

Nus tschertgain per il 1. da november 2024 u tenor cunvegna ina persuna responsabla per l'informatica.

Voss champ d'incumbensas

  • Procurar ch'il manaschi tecnic ICT funcziunia senza incaps
  • Surpigliar la responsabladad per la segirezza ICT e per las datas
  • Involver, cussegliar e sustegnair las utilisadras ed ils utilisaders en connex cun projects d'acquisiziun sco er cun la concepziun e l'introducziun da soluziuns d'informatica (digitalisaziun, smartfarming e.u.v.)
  • Manar projects ICT (projects da svilup, da rollout e.u.v.)
  • Cooperar a projects da digitalisaziun dal chantun e manar projects parzials
  • Schliar individualmain problems en il support da l'emprim livel e cooperar a la schliaziun da problems dal segund livel
  • Installar e tgirar sistems da plazs da lavur cun il sustegn da l'Uffizi d'informatica dal Grischun
  • Assister las utilisadras ed ils utilisaders da l'informatica en connex cun il diever da las applicaziuns specificas

Quai che nus giavischain da Vus

  • Scolaziun terminada sco informaticra u informaticher AFQ u SSS e furmaziun supplementara en management da projects
  • Experientscha professiunala da plirs onns en il support d'infrastructuras da client
  • Enconuschientschas fundadas da tecnologias da raits e da sistems operativs
  • Moda da lavurar che s'orientescha a las soluziuns ed a la clientella
  • Pensar analitic e proceder structurà
  • Abilitad da lavurar en in team, independenza e flexibilitad

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Plantahof
Kantonsstrasse 17
7302 Landquart

Per dumondas stattan il directur Peter Küchler (081 257 60 01) ed il titular actual da la plazza Niklaus Bless (081 257 60 05) gugent a Vossa disposiziun.

Termin d'annunzia: 5 d'avust 2024

Nus ans legrain da Vossa annunzia online e da far Vossa enconuschientscha.