Mastergnanta u mastergnant (branscha d'electro u da construcziun en metal)

Uffizi da construcziun bassa dal Grischun | 100 % | Tusaun

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da construcziun bassa è cumpetent per la projectaziun, per la construcziun, per il mantegniment e per la gestiun da las vias chantunalas sco er per la correcziun dals curs d'aua e per il traffic betg motorisà en il Grischun. Plinavant ans occupain nus dal mantegniment funcziunal da las vias naziunalas sin il territori chantunal. L'infrastructura da las vias chantunalas cumpiglia passa 1450 construcziuns artifizialas, tranter quellas datti punts d'ina autezza considerabla da fin 90 meters e tunnels d'ina lunghezza da fin 3 kilometers. Las sfidas da la natira che resultan la stad e l'enviern en noss chantun da muntogna, fan che nossa lavur è pretensiusa e multifara. Sco uffizi certifitgà cun «Friendly Work Space» ans stattan la sanadad e la cuntentientscha da nossas var 480 collavuraturas e collavuraturs tut spezialmain a cor. Per quest motiv ans engaschain nus per in management da sanadad sistematic en il manaschi (MSM).

La secziun Tecnica gestiunescha l'entir equipament da manaschi e da segirezza da las vias chantunalas e naziunalas sco er dals passa 40 tunnels dal chantun Grischun. Ella sa cumpona d'ina cuntrada da rait e da sistem dad IT/OT moderna e cumplexa. Latiers tutgan tranter auter l'infrastructura da communicaziun, la surveglianza cun video, la ventilaziun en cas d'eveniments, la sensorica dals tunnels, l'illuminaziun e la regulaziun dal traffic en ils tunnels e sin trajects da via. Las installaziuns vegnan controlladas cun agid d'in sistem da guida modern.

Nus tschertgain per il 1. d'october 2024 u tenor cunvegna ina mastergnanta u in mastergnant per la partiziun Mantegniment da las vias, secziun Tecnica.

Voss champ d'incumbensas

  • Collavurar en in pitschen team ch'è responsabel per lavurs da mantegniment vi dals stabiliments dals tunnels e vi dals indrizs da segirezza sin la rait da las vias chantunalas e naziunalas
  • Prestar engaschaments da lavur ordaifer il temp da lavur regular (servetsch da pichet e servetsch da notg) 

Quai che nus giavischain da Vus

  • Diplom professiunal en la branscha d'electro u da construcziun en metal 
  • Intgins onns experientscha professiunala
  • Grond senn da responsabladad sco er abilitad da supportar squitsch mental e fisic 
  • Permiss da manischar da la categoria C u la prontezza d'acquistar tal
  • Bunas enconuschientschas en l'applicaziun dal computer (Word, Excel, Outlook)
  • Enconuschientschas dal talian

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi da construcziun bassa dal Grischun, Secziun tecnica
Palastrasse 5
7430 Tusaun
Per dumondas stat Sandro Mura, manader da la secziun Tecnica, gugent a Vossa disposiziun sut il numer da telefon 081 632 56 05.

Termin d'annunzia: 28 da fanadur 2024
Nus ans legrain da Vossa annunzia online e da far Vossa enconuschientscha.